नेशनल लाईफ इन्स्योरेन्स को ३५औं वर्ष पुरा

In अर्थ
February 22, 2023
Sushil Paudyal

नेशनल लाईफ इन्स्योरेन्स कम्पनी लिमिटेड आज ३५औं वर्ष पुरा गरी ३६औं वर्षमा प्रवेश गरेको छ ।

कम्पनीको केन्द्रीय कार्यालय लाजिम्पाटमा रक्तदान कार्यक्रम संचालन गरिएको थियो र जस्मा ५० भन्दा बढी कम्पनी कर्मचारीहरुको सहभागिताका साथ कम्पनीले आफ्नो ३६ औं वार्षिक उत्सव मनायो l

त्यसका साथै देशभरमा ३४ वटा बाल र बृद्ध आश्रमहरुमा खाना खुवाउने कार्यक्रम आयोजना समेत सम्पन्न गरिएको थियो । यसैगरी कर्मचारीहरु माझ विभिन्न किसिमका खेलकुद कार्यक्रम पनि सम्पन्न गरिएको थियो ।

नेपालको अग्रणी जीवन बीमा कम्पनीको रुपमा स्थापित यो कम्पनीले विगत वर्ष सरह चालु वर्षमा राम्रो ब्यवसायिक प्रगति गरेको छ । शेयरधनीहरुलाई आ व ०७७/०७८ मा १५ प्रतिशत बोनस शेयर र कर प्रयोजनको लागि नगद लाभांश पारित गरी साधारण सभा सम्पन्न गरी सकेको अवस्था छ ।

कम्पनीले चालु वर्षमा शाखा कार्यालय नेपालगंजमा स्थापना गरि शाखा कार्यालयको शंख्या ११७ र कर्मचारी संख्या ४६० रहेको यस कम्पनीमा १ लाख भन्दा बढी अभिकर्ता कार्यरत रहेका छन् ।

कम्पनीले स्थापनाकाल देखि २०७९ साल पौष मसान्त सम्म कूल बीमाशुल्क आम्दानी रु.८५ अरब १ करोड आर्जन गरेको छ भने कूल ३८ लाख ६० हजार बीमालेख जारी गरेको छ र कूल रु.२९ अरब ६० करोड बराबर बीमा दावी भुक्तानी गरेको छ ।

यस शुभ-अवसरमा कम्पनीले ब्यवसायिकता, प्रविधि मैत्री पारदर्शीता एवं विश्वसनियता लाई थप अभ्यास गर्दै गुणस्तरीय बीमा सेवा प्रदान गर्ने प्रतिवद्धता ब्यक्त गरेको छ ।

तपाईंको प्रतिकृया