फागुन १०, २०७९ ll गत भदौदेखि ट्राफिक प्रहरी कार्यालयले बाइकमा मोबाइल स्ट्यान्ड र गो-प्रो क्यामेरा राख्न निषेध गरेपनि अब राइड सेयरिङ सेवादिने चालकहरूले आफ्नो सवारी साधनमा मोबाइल स्ट्यान्ड र हेल्मेट क्यामेरा राख्न पाउन भएका छन्।

मोबाइल स्ट्यान्ड राख्न पाउनुपर्छ भनेर उच्च अदालत पाटनमा निवेदन पेश भए अनुसार उक्त अदालतले रिट जारी गर्दै मोबाइल स्ट्यान्ड राख्न अनुमति दिएको हो l

प्रहरीले दुर्घटना बढ्ने कारण देखाई राइड सेयरिङ कम्पनीका चालकहरुलाई मोबाइलको स्ट्यान्ड राख्न निषेध गरेको थियो र सूचनाको पालना नगरी स्ट्यान्ड राख्ने चालकलाई प्रहरीले पाँच सयदेखि २० हजारसम्म जरिवाना तिराउँदै आएको थियो।

पठावो नाम गरेको राइड सेयरिङका एकजना चालकले यो निर्णयलाई स्वागत गर्दै भने “अब हामीलाई निकै सजिलो हुने भो र पटक पटक म्याप हेर्न साधन रोक्दै मोबाइल हेर्न निकै असहज हुन्थ्यो र कतिपयले त चलाउदा चलाउदै एउटा हातले मोबइल हेर्दा झन दुर्घटना बढ्ने कारण बनेको थियो “