मंगलबार, फागुन ९, २०७९ ll वर्तमान युग विज्ञान र प्रविधिको भएकोले कुनै पनि देशको अस्तित्वकालागि यसमा लगानी र विकास अपरिहार्य भएको कुरा प्रधानमन्त्री पुष्पकमल दाहाल प्रचण्डले बालुवाटारमा आविस्कार केन्द्रका प्रमुख महावीर पुनसँगको छलफलमा बताउनु भयो l

प्रचण्डले अगाडी भने “वैज्ञानिक आविष्कारको क्षेत्रलाई अगाडि नबढाइकन नेपालको विकास हुँदैन । नेपाल स्वतन्त्र भएर आत्मसममानको साथ बाँच्ने स्थितितिर जाँदैन l”

आविस्कार केन्द्रका प्रमुख महावीर पुन नेतृत्वको टोलीले नेपालको विकासका लागि विज्ञान र प्रविधिका क्षेत्रमा संस्थाले खेल्दै आएको भूमिकाबारे प्रधानमन्त्रीलाई जानकारी गराएका थिए।

केन्द्रका प्रमुख महावीर पुनले कृषि, शिक्षा, स्वास्थ्य लगायतका क्षेत्रमा नवीनतम आविष्कारका माध्यमबाट आत्मनिर्भर नेपालको निर्माणका लागि राज्यका तर्फबाट विशेष प्राथमिकतामा राख्नुपर्ने बताएका थिए।

छलफलमा राष्ट्रिय योजना आयोगका अध्यक्ष मीनबहादुर श्रेष्ठ, नेकपा माओवादी केन्द्रका विज्ञान प्रविधि विभाग प्रमुख गणेश साह, महासचिव देव गुरुङलगायत पनि सहभागी थिए।