आईसीसी लिग २ – स्कटल्यान्डमाथि नेपालको जित

In Headlines, खेल
February 17, 2023
Sushil Paudyal

फागुन ५, २०७९ ll काठमाडौंमा जारी आईसीसी लिग २ अन्तर्गतको त्रिकोणात्मक सिरिजमा मध्यक्रममा दुई ब्याट्सम्यान कुशल मल्ल र दीपेन्द्रसिंह ऐरीको ब्याटिंगको मद्दतले लगातार दोश्रो जित निकालेको छ l

स्कटल्यान्डले दिएको २७६ रनको लक्ष्य दिएको थियो जस्लाई नेपालले तीन विकेटको जित निकाल्न सफल भयो।

खेलमा नेपालले सुरुमा ब्याटिङमा संघर्ष गरेको थियो। ७७ रनमा पाँच विकेट गएको अवस्था थियो तर सातौं नम्बरमा ब्याटिङ गर्न आएका दिपेन्द्रसिंह ऐरीले अविजित ८५ रन बनाए। त्यसअघि पाचौं नम्बरमा आएका कुशल मल्लले विष्फोटक इनिङ खेलेका थिए। उनी ६७ बलमा ८१ रन बनाएर आउट भए जसमा ४ छक्का र ९ चौका थिए।

कीर्तिपुरस्थित त्रिवि क्रिकेट मैदानमा टस हारेर नेपालले स्कटल्यान्डलाई ब्याटिङमा निम्तो दिएको थियो । ओपनर क्रिस्टोफर म्याकब्रिज २२ रनमा आउट हुँदा कप्तान रिची बेरिङटन र थोमस माकिन्टोस समान १९-१९ रन जोडेर पभेलियन फर्किएका थिए । ब्राडन म्याकम्युलेन २६ बलमा २२ रन र क्रिस ग्रेभिस १६ रनमा आउट भए । मार्क वाट २० रनमा आउट भए ।

एक समय २४ ओभरमा ११० रन जोड्दा ५ विकेट गुमाइसकेको स्कटल्यान्डलाई मिचेल लिस्कले खेलमा फर्काए । ८५ बलमा ९ छक्का र ३ चौकासहित लिस्कले १०७ रनको अविजित इनिङ खेलेपछि स्कटल्यान्डले ९ विकेटमा २७४ रनको चुनौतीपूर्ण स्कोर खडा गरेको हो । लिस्कले ज्याकसँग ८१ रनको साझेदारी गरेका थिए ।

आजको जितका एक हिरो नेपालका स्पिनर सन्दीप लामिछाने पनि हुन् । उनले राष्ट्रिय टीममा आफ्नो महत्व फेरि एकपटक पुष्टि गरेका छन् । उनले कसिलो बलिङ मात्रै गरेनन्, महत्वपूर्ण ३ विकेट पनि लिए । उनले १० ओभरमा मात्रै २७ रन खर्चिएका थिए ।

तपाईंको प्रतिकृया