२०७९, फागुन ५ गते ll नेपालको मिडिया उद्योग र सञ्चार क्षेत्रको योगदानको कदर तथा सम्मान गर्न दोस्रो एलआईसी नेपाल मिडिया अवार्ड २०७९ हुने भएको छ ।

अवार्ड वितरण फागुन ७ गते प्रजातन्त्र दिवसका दिन होटल याक एण्ड यतिमा एउटा कार्यक्रम बिचमा हुनेछ l

कूल ११ विधामा नगद राशिसहित प्रदान गरिने अवार्डमा १० विधामा उत्कृष्ट ३ को टप थ्री मनोनयन गरिएको कुरा अवार्डको आयोजक संस्था ड्रिम हाई नेपालका निर्देशक कमल जिसीले जानकारी दिएका छन्। “नेपालको मिडिया उद्योग र सञ्चार क्षेत्रको योगदानको कदर तथा सम्मान गर्न अवार्ड कार्यक्रम गर्न लागेका हौँ”, जिसीले भने।

टेलिभिजन, छापा, एफएम रेडियो र अनलाइन सञ्चार माध्यमहरूमा कार्यरत सञ्चारकर्मीहरूको पछिल्लो एक वर्षयताको उपस्थिति र प्रस्तुतिलाई आधार बनाएर यो अवार्ड बितरण गर्न लागिएको हो l

कार्यक्रममा पत्रकार भूषण दाहाललाई दशकको उत्कृष्ट पत्रकारिता सम्मान र वरिष्ठ संचारकर्मी कृष्ण ताम्राकारलाई लाइफटाइम एचिभमेन्ट अवार्ड साथै दीर्घ साधना सम्मान गरिन लागिएको छ ।

कार्यक्रमको प्रमुख अतिथिमा उपप्रधान तथा अर्थमन्त्री विष्णु प्रसाद पौडेललाई निमन्त्रण गरिएको छ ।