भारतबाट पेट्रोलियम पदार्थको मूल्य घटेर आयो

In Headlines
February 17, 2023
Sushil Paudyal

फाल्गुन ५, २०७९ || इन्डियन आयल कर्पाेरेसनले मूल्य घटाएर बिहीबार नयाँ सूची पठाएको छ l नयाँ मूल्यसूचीअनुसार डिजेल, पेट्रोल र हवाई इन्धनको मूल्य घटेर आएको हो । नयाँ मूल्यअनुसार पेट्रोलमा प्रतिलिटर एक रुपियाँ ९७ पैसा, डिजेलमा प्रतिलिटर छ रुपियाँ ४० पैसा र हवाई इन्धनमा प्रतिलिटर तीन रुपियाँ ८८ पैसा मूल्य घटेर आएको नेपाल आयल निगमले जनाएको छ ।

भारतबाट इन्धनको मूल्य घटेर आए पनि निगम स्थानीय बजारमा भने मूल्य यथावत् राखिने निगमले जनाएको छ । तेल खरिद गरेबापत आईओसीलाई ११ अर्ब रुपियाँ भुक्तानी गर्न बाँकी रहेको र नेपाल सरकारको सात अर्ब ऋण अझै बाँकी रहेकाले पनि तत्काल मूल्य घटाउन नसकिएको निगम भनाइ छ ।

यसअघि माघ २३ गते मूल्य बढेर आएको भन्दै निगमले पेट्रोल र डिजेलको मूूल्य प्रतिलिटरमा तीन/तीन रुपियाँ मूल्य बढाएको थियो । आईओसीले प्रत्येक १५/१५ दिनमा नेपाल आयल निगमलाई मूल्यसूची उपलब्ध गराउँदै आएको छ। सो नयाँ मूल्यअनुसार निगम र आईओसीबीचबीच कारोबार हुन्छ। अन्तर्राष्ट्रिय बजारमा कारोबार हुने गरेको कच्चा तेलको मूल्यमा आईओसीले पठाउने मूल्य निर्भर रहन्छ।

तपाईंको प्रतिकृया