निर्मला कुर्मीलाई न्याय दिने सहमतिपछि आन्दोलन स्थगित

In Headlines
February 15, 2023
Sushil Paudyal

३ फागुन २०७९, बुधबार || निर्मला कुर्मीको हत्यारालाई कारबाहीको माग गर्दै विगत ४८ दिनदेखि आन्दोलनरत महिला अधिकारकर्मीले तीन बुँदे सहमति भएसँगै तत्कालका लागि बुधवारबाट आन्दोलन स्थगित गरेका हुन्।

सरकारसँगको सहमतिमा निर्मला कुर्मीको अपहरण, शरीर बन्धक तथा कर्तव्य ज्यान सम्बन्धी जाहेरीसँग सम्बन्धित कसुरको अनुसन्धान गर्नको लागि मुलुकी फौजदारी कार्यविधि संहिता २०७४ को दफा १२ बमोजिम विशेष अनुसन्धान टोली गठन गरेर गहन र विस्तृत अनुसन्धान गरी दोषीको मुद्दा चलाउने सहमति भएको हो।

नेपालगञ्ज उपमहानगरपालिका-१७ की एकल महिला निर्मला कुर्मी बेपत्ता र उनको शंकास्पद मृत्यु मृत्यु २०७६ साल चैत १४ गते भएको थियो । कुर्मीका श्रीमान् महालु कुर्मीको २०६२ सालमा मृत्यु भएको थियो। त्यसपछि २०६६ सालमा उनका दुई छोरा पनि १० दिनको फरकमा मृत्यु भएको थियो।

पहिलो, निर्मलाका श्रीमान् बितेको, चार वर्षपछि दुई जना छोराको रहस्यमय ढंगले पनि मृत्यु भएको र त्यसको ‘केही वर्षपछि’ भारतीय नागरिक अर्जुन कुर्मीसँग निर्मलाले दोस्रो विवाह गरेर गएको देखिन्छ।

उनको रहस्यमय मृत्यबारे लामो अनुसन्धान भएर पनि कारण लगाउन सकेको छैन । एक अनुसन्धान अधिकृतका अनुसार निर्मला प्रकरणको अहिलेको अनुसन्धान विभिन्न पाटोबाट भइरहेको छ।

तपाईंको प्रतिकृया