गोंगबु दंगा र लुटपाटका दोषीलाई कारबाही गर्न प्रहरीलाई गृह मन्त्रालयको निर्देशन

In Headlines
February 14, 2023
Sushil Paudyal

२०७९ फागुन २ ll गृह मन्त्रालयले काठमाडौंको लोत्से मलमा प्रहरीको गाडीमा आगजनी, तोडफोड र लुटपाटमा संलग्न सबैलाई पक्राउ गरी अनुसन्धान थाल्न नेपाल प्रहरीलाई निर्देशन दिएको छ ।

आन्दोलनकारीले बढी जरिवाना गरेको भन्दै प्रहरीप्रति आक्रोश पोख्दै दुईवटा ट्राफिक भ्यानमा आगजनी गरेपछि प्रदर्शनले हिंसात्मक रूप लियो । उनीहरुले सुपरमार्केटको भवनमा समेत तोडफोड गरेका छन् l

ट्राफिक प्रहरीको ‘कडा’ नियम र काठमाडौं महानगरपालिकाले लामो तथा मध्यम मार्गका सार्वजनिक सवारीसाधन गोंगबुस्थित नयाँ बसपार्कभित्र बाहेक खुला ठाउँमा पार्किङ गर्न नदिने घोषणा गरेको विरोधमा यातायात सञ्चालकले सोमबार प्रदर्शन गरेका छन् ।

यातायात मजदुरले सोमबार गरेको प्रदर्शन हिंसात्मक भएपछि नयाँ बसपार्कस्थित सपिङ कम्प्लेक्समा लुटपाट र तोडफोड भएको छ । विरोधको फाइदा उठाउँदै लुटेराहरूले लाखौं रुपैयाँ मूल्यका मोबाइल सेट लुटपाट गरेका थिए ।

गृहसचिव विनोदप्रकाश सिंहले मंगलबार काठमाडौं उपत्यका प्रहरी कार्यालयका अतिरिक्त महानिरीक्षक दिवेश लोहनीलगायत सरोकारवाला निकायलाई भेटेर घटनाको छानबिन गरी दोषीलाई कारबाही गर्न निर्देशन दिएका हुन् ।

तपाईंको प्रतिकृया