हिउँदको हिमपातमा रमाउने पर्यटकको रौनक हिमाली जिल्ला मनाङमा उल्लेखनिय रुपमा बढेको छ l हिउँ नपरे पनि पर्यटकको आवगमन भइरहेको छ ।

अन्नपूर्ण संरक्षण क्षेत्र आयोजना इलाका कार्यालयका प्रमुख लेखनाथ गौतमले जानकारी दिए अनुसार जनवरीमा सबैभन्दा बढी कोरियाका ६९ नागरिक मनाङ भ्रमणका लागि आएको तथ्याङ्क छ । ‘विशेषगरी हिउँदमा यहाँ चिसो र हिमपात हुन्छ तर यसवर्ष हिँउ परेन, हिउँदमा हिउँ खेल्न पर्यटक आउने हो, हिउँ नपरे पनि झन विदेशी पर्यटक बढेका छन्’,

उनले अगाडी भने “सन् २०२३ को सुरवातमा नै ४२ देशका पर्यटक मनाङ भित्रिएका हुन् । जनवरीमा ४२ देशका तीन सय १८ नागरिकले मनाङ भ्रमण गरेको तथ्याङ्क छ l”

पर्यटकका लागि मनाङ भ्रमणको योजना बनाउन यो उपयुक्त समय हो । अन्नपूर्ण संरक्षण क्षेत्र आयोजना क्षेत्र संरक्षण कार्यालयका प्रमुख लेखनाथ गौतमले सन् २०२२ को असार मसान्तदेखि सेप्टेम्बर तेस्रो सातासम्ममा ३ हजार ८१८ पर्यटक मनाङ प्रवेश गरेको जानकारी दिए ।