टर्की-सिरिया भूकम्प अपडेट : ३४ हजार भन्दा बडीको मृत्यु

_{भग्नावशेष र खरानी को थुप्रोमा परिणत अन्टाक्या सहर}

सन् १९३९ पछिकै शक्तिशाली मानिएको भूकम्पका कारण टर्की र सिरियमा ३४ हजार भन्दा बडीको मृत्यु मृत्यु भइसकेको छ। अझै कयौं बेपत्ता रहेको अन्तर्राष्ट्रिय सञ्चार माध्यमले जनाएका छन्।

टर्कीको प्रकोप व्यवस्थापन प्राधिकरणका अनुसार विनाशकारी भूकम्पमा परी ज्यान गुमाउनेको संख्या टर्कीमा २९ हजार ६ सय ५ र सिरियामा ३ हजार ५ सय ७४ पुगेको छ। १ लाख भन्दा बढी मानिस घाइते भएर विभिन्न अस्पातलमा उपचार गराईरहेका छन्।

हजारौ मानिसहरु एक सातासम्म पनि भग्नावशेषमा पुरिएपछि मृतकको संख्या अझै बढ्न सक्ने समाचार संस्था एपीले जनाएको छ।

*भूकम्पको केन्द्रविन्दु नजिकै काहरामनमारसमा भत्किएका भवनहरु*

सिरियामा गृह युद्धका कारण उद्धार कार्यमा कठिनाई हुनाले भूकम्पबाट १४ लाख बालबालिकासहित करिब २ करोड ३० लाख मानिस प्रभावित हुनसक्ने सम्भावना बिश्व स्वस्थ संगठनले औंल्याएको छ। l

टर्कीकै सुन्दर शहर अन्टाक्या भग्नावशेषको थुप्रोमा र खरानीमा परिणत भएकोपछि बचेकाहरू पनि निकै दुखः र कस्टका साथ चिसो र पनि र खानको अभावमा आफ्नो र अफ्नाको जीवन बचाउने प्रयासमा छन् l

सुरुमा उद्दारकार्य सुस्त भएकोमा सरकारले क्षमा याचना मागेको तर अइले राहत उद्धार कार्य तीव्र गतिमा भइरहेको जनाएको छ। अन्टाक्याको सुन्दर मस्जिद पनि भूकम्पको धक्काबाट बच्न सकेन, भूकम्पले ध्वस्त भयो।

संयुक्त राष्ट्रसंघका राहत प्रमुख मार्टिन ग्रिफिथ्सले दक्षिणी टर्की र उत्तरपश्चिमी सिरियामा गएको शक्तिशाली भूकम्पलाई शताब्दीकै ‘सबैभन्दा नराम्रो घटना’ भनेर उल्लेख गरेका छन्। मृतकको संख्या कति पुग्नेहो आकलन नै गर्न नसकिने अवस्था छ l

समय बित्दै जादा र मिडियाको राम्रो उपस्थिति नहुनाले लुटपाटका घटना बढ्दो छ र लुटपाट र डकैतीको आरोपमा कैयौं अन्य संदिग्धहरूलाई कहरामनमारस, हाताय, अदियामान, मालत्या, ओस्मानी, अडाना, गाजियन्टेप र सानलिउर्फालगायत विभिन्न आठ प्रान्तबाट पक्राउ गरिएको हो।

यसैबीच टर्की सरकारले सोमबारको भूकम्पमा भत्किएका भवनहरू निर्माण गर्ने ११३ ठेकेदारहरूलाई पक्राउ पुर्जी जारी गरेको छ l आधुनिक निर्माणको प्रविधि अनुसार निर्माण भएका भवनहरूमा यो हदसम्मको धक्काबाट ठूलो क्षति हुन नहुने भन्दै निर्माण व्यवसायीसँग सरकारले स्पष्टिकरण मागेको छ र केहि लाई पक्राउ पुर्जी नै जारी गरेको हो l

तपाईंको प्रतिकृया