रियल म्याड्रिडलाई फिफा क्लब विश्वकपको उपाधि

In Headlines, खेल
February 12, 2023
Sushil Paudyal

Real Madrid – FIFA Club World Cup Champion

माघ २९, २०७९ || साउदी अरेबियाको अल हिलालमाथि ५–३ को जित निकाल्दै स्पेनिस क्लब रियल म्याड्रिड पाँचौंपटक क्लब विश्वकप उपाधि जितेको छ।

रियलको जितमा भिनिसियस जुनियर र फेड्रीको भाल्भर्डेले २-२ गोल गरेका थिए र बेन्जमाले एक गोल गरेका थिए। खेलको १३ औं र ६९औं मिनेटमा भिनिसियसले साथै १८ औं मिनेटमा र अर्को गोल ५८ औं मिनेटमा फेड्रीको भाल्भर्डेले गोल गारेका थिए ।

त्यस्तै अल हिलालका लागि लुसिआनो भिएट्टोले दुई गोल गरेका थिए भने मोउसा मारेगाले एक गोल गरेका थिए।

पछिल्ला १० संस्करण युरोपियन क्लबले मात्रै क्लब विश्वकपको उपाधि जितेका छन्। उपाधि नजिक पुगेको अल हिलाल क्लब विश्वकप जित्ने पहिलो एसियाली टिम बन्ने अवसर पाउँदा पाउँदै पनि चुकेको छ।

यो सहित रियल म्याड्रिडले फिफा विश्वकपको उपाधि सबैभन्दा बढी पाँच पटक जितेको छ। रियलले यसअघि २०१४, २०१६, २०१७, २०१८ मा यो उपाधि जितेको थियो। रियल पछि बार्सिलोनाले ३ पटक क्लब विश्वकप जितेको छ।

तपाईंको प्रतिकृया