माघ २९, २०७९ ||  शुक्रबार प्रहरीले ट्रमा सेन्टरका एक चिकित्सकलाई लाठी चार्ज गरी घाईते बनाएको विरोधमा चिकित्सक संघले आजका लागि देशभरका स्वास्थ्य सेवा प्रदायक संस्थाहरु बन्दको आह्वान गरेकोमा स्वास्थ्य तथा जनसंख्या मन्त्रालयले बन्द गर्ने निर्णय फिर्ता लिन आग्रह गरेको छ।

मन्त्रालयका सहप्रवक्ता डा. समिरकुमार अधिकारीले शनिबार राति विज्ञप्ती जारी गर्दै अस्पताल बन्द गर्ने निर्णयबाट पछि हट्न नेपाल चिकित्सक संघसँग आग्रह गरेका छन्। 

ताजा सामाचार अनुसार समस्या समाधानका लागि प्रधानमन्त्री कार्यालयमा वार्ता भइरहेको छ । वार्तामा सरकारको तर्फबाट प्रधानमन्त्री कार्यालयका सचिव डा. गणेश पाण्डे र चिकित्सकहरुको तर्फबाट नेपाल चिकित्सक संघका अध्यक्ष डा. लोचन कार्की नेतृत्वको टोली सहभागी छन् ।

माघ २७ गते राष्ट्रपति विद्यादेवी भण्डारीको सवारीको क्रममा ट्रमा सेन्टरका चिकित्सक जनिथलाल सिंह लाई लाठी प्रहार गरेर घाइते बनाएको भन्दै नेपाल चिकित्सक संघको आह्वानमा चिकित्सकहरुले आज देशभरका स्वास्थ्य संस्थामा आकस्मिक बाहेकका सेवा बन्द गरेका छन् ।