विवेकशील साझा पार्टीको अध्यक्षमा समीक्षा बास्कोटा सर्वसम्मत चयन

विवेकशील साझा पार्टी – अध्यक्ष समीक्षा बास्कोटा

माघ २९, २०७९ || काठमाडौंमा सम्पन्न प्रथम महाधिवेशनबाट विवेकशील साझा पार्टीको अध्यक्षमा समीक्षा बास्कोटा र महासचिवमा रञ्जु दर्शना सर्वसम्मत चयन भएका छन् ।

त्यसैगरी शुक्रबार र शनिबार चलेको पहिलो महाधिवेशनमा मिलन पाण्डे र प्रकाशचन्द्र परियार लाई सर्वसम्मत रुपमा उपाध्यक्ष चयन भएका हुन् र अन्य पदाधिकारीमध्ये सचिवमा पवित्रा थापा, विमल तामाङ र समुद्र केसी सर्वसम्मत चयन भएका छन्। कोषाध्यक्षमा दामोदर नेपाल चयन भएका छन्।

विवेकशील साझा पार्टी -महासचिव रञ्जु दर्शना

महाधिवेशनले ५१ सदस्यीय केन्द्रीय समिति , २१ जना केन्द्रीय सदस्यहरु र १३ जना केन्द्रीय समितबाट मनोनयन बनाउने निर्णय गरेको छ। ८ केन्द्रीय सदस्य भने हाललाई रिक्त राखिने भएको छ।

२०६९ सालमा उज्ज्वल थापाको नेतृत्वमा स्थापना भएको विवेकशील साझा पार्टी पटक/पटक विभाजनको सिकार हुँदै करिब करिब असफल हुने अवस्थामा थियो तर प्रथम महाधिवेशन गरेर आफूलाई ब्युँताएको हो।

यो पार्टीका नेतृत्व कर्ता रबिन्द्र मिस्रले २०७९ असोज १२ का दिन विवेकशील साझा पार्टी बाट राजीनामा दिएर राष्ट्रिय प्रजातंत्र पार्टीमा प्रबेश गरेका थिए।

तपाईंको प्रतिकृया