अस्ट्रेलियाविरुद्धको पहिलो टेष्टमा भारतले एक इनिङ्स र १३२ रनको जितसहित शृंखलामा अग्रता बनाएको छ

In Headlines, खेल
February 11, 2023
Sushil Paudyal

२०७९ माघ २८ ll आज नागपुरमा भएको पहिलो टेस्टमा स्पिनरद्वय रविचन्द्रन आश्विन र रविन्द्र जडेजा चम्किदा चार टेष्टको शृंखलामा एक इनिङ्स र १३२ रनको जित सहित अग्रता लिएको छ l चार टेष्टको शृंखलाका लागि अस्ट्रेलियन टिम भारत भ्रमणमा छ ।

२२३ रनले पछि परेको स्थितिमा दोस्रो इनिङ्स सुरु गरेको अस्ट्रेलिया ९१ रनमा समेटिएपछि भारतले इनिङ्स जित निकालेको हो । भारतले तेस्रो दिनमै जित हासिल गरेको हो l

अस्ट्रेलियाका लागि डेब्यू गरिरहेका टड मर्फी जस्ले ७ बिकेट लिए

टस जितेर पहिले ब्याटिङ गरेको अस्ट्रेलियाले पहिलो इनिङ्समा १७७ रन बनाएको थियो । स्पिनरहरु रविन्द्र जडेजाले ५ र रविचन्द्रन आश्विनले ३ विकेट लिएपछि अस्ट्रेलिया कमजोर योगफलमा समेटिएको हो । उसका लागि मार्नुस लाबुस्चेनले ४९, स्टिभ स्मिथले ३६, पिटर ह्याण्ड्सकोम्बले ३१ र एलेक्स केरीले ३६ रन जोडेका थिए ।

भारतले भने पहिलो पारीमा ४०० रन बनाएको थियो । भारतका लागि कप्तान रोहित शर्माले १२० रन बनाएका थिए । अस्ट्रेलियाका लागि डेब्यू गरिरहेका टड मर्फीले ७ विकेट लिएका थिए ।

दोस्रो इनिङ्समा अस्ट्रेलियालाई ९१ रनमै समेट्न भारतका रविचन्द्रन आश्विनले ५ विकेट लिए । मोहम्मद सामी र रविन्द्र जडेजाले २–२ तथा अक्सर पटेलले १ विकेट लिए । अस्ट्रेलियाका स्मिथले सर्वाधिक अविजित २५ रन बनाए ।

दोस्रो टेष्ट आगामी शुक्रबारदेखि अरुन जेटलि स्टेडियम दिल्लिमा हुँदैछ ।

तपाईंको प्रतिकृया