विवेकशील साझा पार्टीमा नाया रौनक : महाधिवेशन आजबाट सुरू

काठमाडौं, माघ २७ || आज शुक्रबार बिहान १० बजे विवेकशील साझा पार्टीको पहिलो महाधिवेशन सुरू हुने भएको छ।

महाधिवेशनमा देशभरबाट करिब एक हजार जना महाधिवेशन प्रतिनिधि सहभागी हुनेछन्। उनीहरूले नै पार्टीको नयाँ नेतृत्व चयन गर्नेछन्।

कमलादीस्थित नेपाल प्रज्ञा प्रतिष्ठानमा उद्घाटनहुने महाधिवेशन समारोहमा शुभकामना दिन राजनितिक हस्तिहरु नेपाल समाजवादी पार्टीका अध्यक्ष बाबुराम भट्टराई, नेपाली कांग्रेसका महामन्त्री विश्वप्रकाश शर्मा, नेकपा माओवादी केन्द्रकी उपाध्यक्ष पम्फा भुसाल, राष्ट्रिय स्वतन्त्र पार्टीका सभापति रवि लामिछाने, नेकपा एकीकृत समाजवादी पार्टीका नेता घनश्याम भुसाल, जनमत पार्टीका अध्यक्ष सिके राउत, नेपाल सुशासन पार्टीका अध्यक्ष रमेश खरेललगायत आउने विवेकशील साझाले जनाएको छ।

सकेसम्म सर्वसम्मत रूपमा नेतृत्व चयन गर्ने तयारी छ तर अध्यक्ष पदका लागि तीन जना नेताहरूले दाबी गरेका छन्।

अहिलेकी अध्यक्ष समीक्षा बास्कोटा, नेता मिलन पाण्डे र प्रकाशचन्द्र परियार अध्यक्षका दाबेबार छन्। विवेकशील साझामा रहेका अधिकांश नेताहरू पुन: पार्टीमा सक्रिय हुन थालेका छन्।

तपाईंको प्रतिकृया