सुदूरपश्चिम प्रदेशका मुख्यमन्त्रीमा कमलबहादुर शाह नियुक्त

२०७९ माघ २६ || राजेन्द्रसिंह रावलले बहुमत गुमाइ पदमुक्त भएपछि सुदूरपश्चिम प्रदेशका मुख्यमन्त्रीमा नेपाली कांग्रेसका कमलबहादुर शाह नियुक्त भएका छन्।

संविधानको धारा १६८ को उपधारा (३) बमोजिम निवर्तमान मुख्यमन्त्री राजेन्द्रसिंह रावलले बहुमत गुमाइ पदमुक्त भएपछि नेपाली कांग्रेसका संसदीय दलको नेता शाह मुख्यमन्त्रीमा नियुक्त भएका हुन् । उनलाई आज साँझ प्रदेश प्रमुख देवराज जोशीले मुख्यमन्त्रीमा नियुक्त गरेका हुन् ।

मुख्यमन्त्री बनेका ५१ वर्षीय शाह कैलाली क्षेत्र नम्बर २ (क) बाट प्रदेश सभा सदस्यमा निर्वाचित भएका थिए। उनले एक महिनाभित्र प्रदेश सदनबाट विश्वासको मत लिनुपर्ने चुनैाति छ।

तपाईंको प्रतिकृया