सुदूरपश्चिम प्रदेशसभा – विश्वासको मत अस्वीकृत र सरकार कामचलाउ

In Headlines, राजनीति (Politics), समाचार
February 9, 2023
Sushil Paudyal

काठमाडौं ,माघ २६ || बिहीबार साँझ बसेको सुदूरपश्चिम प्रदेशसभा बैठकमा मुख्‍यमन्त्री राजेन्द्रसिंह रावलले विश्वासको मत लिने प्रस्ताव प्रदेशसभाबाट बहुमतले अस्वीकृत भएको छ। विश्वासको मत नपाए पछि नेकपा (एमाले) नेतृत्वको सरकार एक महिना नपुग्दै ढलेर छमचलाउ बनेको छ। विश्वासको मत नपाएपछि मुख्यमन्त्री राजेन्द्र रावलले राजीनामा गरेका छन् ।

५३ सदस्यीय सुदूरपश्चिम प्रदेशसभामा नेपाली कांग्रेसका १९, माओवादीका ११ (सभामुखसहित), एमालेका १०, नाउपाका ७, नेकपा एकीकृत समाजवादीका ४ र राप्रपाका १ जना सांसद छन्। विश्वासको मतका लागि २७ मत आवश्यक पर्छ।

रावल एकमहिनाअघि सत्ता गठबन्धन दलहरूको समर्थनमा मुख्‍यमन्त्रीमा नियुक्त भएका थिए। मुख्‍यमन्त्री नियुक्त भएको एकमहिनाभित्रमा प्रदेशसभाबाट विश्वासको मत लिनुपर्ने संवैधानिक व्‍यवस्था छ ।

नागरिक उन्मुक्ति पार्टीले विश्वासको मत नदिने अडान लिएसँगै बैठक हिजोदेखि दुईपटक सर्दै आएको थियो साथै उनलाई मुख्यमन्त्री हुन आवश्यक समर्थन दिएको नागरिक उन्मुक्ति पार्टीका ७ जना सांसद विश्वासको मत दिन काठमाडौंबाट धनगढी आएनन् त्यससगै रावलले विश्वासको मत पाउने सम्भावना सकिएको थियो।

तपाईंको प्रतिकृया