दक्षिणपूर्वी टर्की र सिरियाको सीमा नजिकै गएको शक्तिशाली भूकम्पका कारण मृत्यु हुनेको सङ्ख्या करिब १० हजार नागेको छ।

अत्यधिक चिसोका बाबजुद रातको समयमा समेत खोजी प्रयासहरू जारी रहँदा भग्नावशेषमुनि बाँचेकाहरूलाई भेट्ने आस कम हुँदै गएको छ। बीबीसीको टर्कीभाषा सेवाले रिपोर्टमा टर्कीको मौसम न्यूनतम र अधिकतम तापक्रम -6C र 1C (21-34F), र Gaziantep को लागि -5C र 1C (23-34F) बीचको पूर्वानुमान गरेको छ। Diyarbakır मा लगातार हिमपात हुने अपेक्षा गरिएको छ, तापक्रम अधिकतम 2C (35F) मा चढ्ने छ।

मृतकको संख्या अझै बढ्न सक्ने अनुमान गरिएको छ। युरोपका लागि विश्व स्वास्थ्य संगठनकी प्रमुख आपतकालीन अधिकारी क्याथरिन स्मालवुडले मृतकको संख्या २० हजार नाघ्न सक्ने बताएकी छन्।

ढिलो भएपनि नेपालले टर्कीमा गएको विनासकारी भूकम्पपछि राहत र पुनर्स्थापनाका लागि मेडिकल टीम र अत्यावश्यक सामग्री पठाउने निर्णय गरेको छ। विश्वभरिबाट विशेषज्ञहरूको टोली, तालिमप्राप्त कुकुर र विविध उपकरणहरूसहित उद्धारका लागि सहयोग पठाउने क्रम जारी छ।

भूकम्पको केन्द्रबिन्दु टर्की र सिरिया सीमा नजिकै भएकाले सिरियामा पनि ठूलो क्षति भएको छ। सिरियामा त भूकम्प प्रभावित सबै क्षेत्रमा सरकारको नियन्त्रण पनि छैन। उत्तरी सिरियामा पर्ने भूकम्प प्रभावित क्षेत्रमध्ये केही राज्य नियन्त्रित छ भने केहीमा टर्की अधिपत्य छ, केही क्षेत्रमा विद्रोहीहरूले कब्जा जमाएका छन्। गृह युद्धले क्षतविक्षत भएको ठाउँमा भूकम्पले थप पीडा थपेको छ।