सरकारको उदासिनताको पराकाष्टा – चीनले अनुदानमा दिएको ४० लाख डोज खोप प्रयोगविहीन

In Headlines
February 7, 2023
Sushil Paudyal

काठमाडौं मघ, २४। चीनले गत वर्ष दिएको कोभिड–१९ भाइरस विरुद्धको ४० लाख खोप प्रयोगविहीन भएर खेरा जाने भएको छ । हाल ११ महिना मात्रै म्याद बाँकी र कोरोना भाईरस कम हुँदै जाँदा सो खोप आवश्यक नपरेको कारणले प्रयोगमा नआउने र समयमा नै उचित व्यवस्थापन नहुँदा खेर जानसक्ने सम्भावना बढको छ ।

डा. सुरेन्द्रप्रसाद चौरासियाका अनुसार खोप आवश्यक नभएको विभागको सुझावका बाबजुद पनि सो खोपको बारेमा मन्त्रालय र सरकारको तहबाट समयमा नै आवश्यक कुटनीतिक पहल नगर्दा खेर जानसक्ने चिन्ता पैदा भएको हो । खोपलाई अन्य कुनै देशमा पठाउने विषयमा अहिलेसम्म कुनै पहल भैसकेको छैन ।

‘हामीले ५ देखि ११ वर्ष उमेर, १२ देखि १७ र १८ देखि माथि सबै उमेरकालाई खोप लगाइसक्यौं’, उनले भने ‘अब खोप लगाउने संख्या नगन्य मात्रामा होला, त्यसैले हामीलाई यो खोप नचाहिने अवस्था बनेको छ ।’ स्वास्थ्य सेवा विभाग, बाल स्वास्थ्य तथा खोप शाखाका प्रमुखले बताए ।

अहिले विभागसँग खोपको स्टोरेज गर्ने क्षमता राम्रो भएको कारणले समस्या नभएको तर खोपको समयमा नै प्रयोगको विषयमा भने आफूहरु चिन्तित भएको उनले बताए । अन्तर्राष्ट्रिय मूल्य अनुसार नेपालमा स्टोरेज अवस्थामा रहेको सिनोभ्याक (Sinovac) खोपको मूल्य अरबौं रुपैयाँ पर्छ ।

तपाईंको प्रतिकृया