जुम्ला : आगलागी हुँदा १४ वर्षीया बालिकाको मृत्यु

In Headlines
February 8, 2023
Sushil Paudyal

जिल्ला प्रहरी कार्यालयका प्रहरी निरीक्षक धर्मराज जोशीका अनुसार चन्दनाथ नगरपालिका वडानम्बर १ ठिन्के निवासी लोकबहादुर भण्डारीको घर आगालागी हुँदा १४ वर्षीया छोरी बन्दना भण्डारीको जलेर मृत्यु भएको हो ।

घरमा भण्डारीकी सासू, श्रीमतीसहित ७ जना सुतेका थिए । आगलागी भएपछि अरु घर बाहिर निस्कन सफल भएको तर ती बालिका तेस्रो तलमा भएका कारण निस्कन नपाई जलेकी थिइन् ।

घरको दोस्रो तलाबाट आगलागी भएको र घर ढुंगा ,काठले र टिन छाएको प्रहरीले जनाएको छ । स्थानीय देवेन्द्र आचार्यका अनुसार सुत्ने समयमा भएकाले अरु मानिसहरुलाई जानकारी ढिला भयो । पछि त्यहाँ पुग्दा करिब घर धेरै जलिसकेको अवस्था थियो । घर राति करिव साढे १० बजेतिर आगलागी भएको थीयो ।

तपाईंको प्रतिकृया