पाकिस्तानका पूर्व राष्ट्रपति परवेज मुसर्रफको ७९ निधन

In Headlines
February 5, 2023
Sushil Paudyal

काठमाडौँ, माघ २२ l लामो समयदेखि अस्वस्थ रहेका पूर्व राष्ट्रपति परवेज मुसर्रफको ७९ वर्षको उमेरमा निधन अमेरिकन हस्पिटल दुबईमा भएको छ।

एमिलोइडोसिस रोगबाट पीडित मुसर्रफ लामो समयदेखि अमेरिकन हस्पिटल दुबईमा उपचाररत थिए । यस रोगमा शरीरको प्रोटिन मोलिक्युल्स निष्क्रिय बन्छन् र बिरामीका अङ्गहरूमा असर पर्छ। पारिवारिक स्रोतहरूले उनका हातखुट्टाले काम नगरिरहेको र उनको स्वास्थ्य सामान्य अवस्थामा फर्कन सक्ने खालको नभएको स्पष्ट पारेका थिए।

सन् १९४३ अगस्ट ११ मा दिल्लीमा जन्मिएका मुसर्रफले सेन्ट प्याट्रिक्स हाइ स्कुल कराँचीबाट अध्ययन सुरु गरेका थिए भने लाहोरस्थिति क्रिस्चियन कलेजबाट उच्च शिक्षा हासिल गरेका थिए ।

१९९९ मा रक्तपातविहीन सैनिक ‘कू’ गरेर सत्ता हत्याएका मुसर्रफलाई दुईवटा हत्याको अभियोगसमेत लागेको थियो तर स्वास्थ्योपचारका लागि अदालतबाट जमानत पाएयता यूएईमा बसिरहेका थिए। शक्तिमा उदाएको २० वर्षपछि अदालतले उनलाई संविधानको उल्लङ्घन गरेको भन्दै मृत्युदण्डको सजाय सुनाएको थियो।

बेनजिर भुट्टो सन् २००७ मा तालिबानद्वारा मारिएकी थिइन् जुन घटनाले पाकिस्तान र पूरै विश्वलाई तरङ्गित पारेको थियो। सन् २०१० को एक राष्ट्रसङ्घीय छानबिनमा जनरल मुशर्रफमाथि पूर्वप्रधानमन्त्रीलाई सुरक्षित राख्न ‘नियतवश असफल भएको’ आरोप लगाइएको थियो। सोही वर्ष सन् २००७ मा संविधान निलम्बन गर्ने उनको निर्णयका लागि राजद्रोहको अभियोग सामना गरे।

उक्त मुद्दा पाँच वर्ष चल्यो र अन्ततः तीनजना न्यायाधीशहरूले एउटा फैसलामा उनलाई राजद्रोहमा दोषी ठहर्‍याए। उनलाई मृत्युदण्ड सुनाइयो तर त्यो सजाय कार्यान्वयन हुन सकेन र परवेज मुशर्रफले बिमारीका कारण जीवनको लडाइँ हारे l

तपाईंको प्रतिकृया