चितवन ,माघ 20 । चितवनका किसानहरू भारतीय तरकारीले बजार कब्जा गरेपछि आन्दोलनमा उत्रिएका छन् ।स्थानीय उत्पादन नै पर्याप्त भइरहेको समयमा भारतबाट आयात बढेको भन्दै किसानहरू आक्रोशित भएका हुन् । विरोधको नेतृत्व किसान लेखनाथ भुसालले गरेका हुन् ।

भुसाल अनुसार भारतबाट आयात गरिएको तरकारीका कारण स्थानीय किसानले गरेको उत्पादन बिक्री हुन छाडेको बताए र स्थानीय उत्पादन नै पर्याप्त भइरहेको समयमा भारतबाट आयात बढेको भन्दै राजमार्ग बन्द गरेर प्रदर्शन गर्नु परेको बताए ।
देशमा उत्पादित तरकारीले बजार पाएन, आयात रोकिदिनुपर्यो भनेर सरकारी निकायहरूमा सहयोग माग्दा बेवास्ता गरिएपछि किसानहरू सडकमै पुग्नुपरेको बताए भुसालले बताए ।
रेसुङ्गा कृषि फार्मकी सञ्चालक धनु अधिकारीले धेरै प्रयास गर्दा पनि सरकारले नसुनेपछि बाध्य भएर तरकारी फाल्नु परेको बताइन्।
किसान सुसनजंग केसीले कृषि प्रधान देशमा किसानहरू नै सरकारबाट प्रताडित हुनुपरेको तर्क दिए ।