अडानी इन्टरप्राइजेजको सेयर ५ दिनमा ६०% घट्योः अमेरिकी शेयर बजारबाट अडानीको शेयर बाहिरियो

In Article, Headlines
February 3, 2023
Sushil Paudyal

नयाँ दिल्ली ३ फेब्रुअरी : अडानी समूहको बारेमा हिन्डनबर्गको रिपोर्टलाई लिएर संसददेखि बजारसम्म हलचल भएको छ। विपक्षी दल अडानी  समूहमाथि लागेको आरोपको छानबिनको मागमा अडिग छ । शुक्रबार पनि संसदमा हंगामा हुने सम्भावना छ । विपक्षी दलहरूले एक दिनअघि पनि लोकसभा र राज्यसभाको कार्यवाही चल्न दिएनन्। 

यसैबीच,अडानी इन्टरप्राइजेजको सेयर आज बिहान १५ प्रतिशतले घटेको छ । अडानी इन्टरप्राइजेजको स्टक ५ दिनमा ६० प्रतिशतले घटेको छ । अमेरिकाको स्टक एक्सचेन्ज डाउ जोन्सले अदानी इन्टरप्राइजेजलाई सस्टेनेबिलिटी इन्डेक्सबाट बाहिर राखेको छ । 

उता बंगलादेश सरकारले अडानी समूहसँग ऊर्जा क्षेत्रमा भएको सम्झौतामा संशोधन गर्न माग     गरेको छ । बंगलादेश सरकारले बिजुलीको भाउ महँगो भएकाले घटाउनुपर्ने भनेको छ । बंगलादेशले सन् २०१७ मा अडानी पावर लिमिटेडसँग विद्युत खरिद सम्झौतामा हस्ताक्षर गरेको थियो । अर्कोतर्फ कांग्रेसले फेब्रुअरी ६ गते देशव्यापी आन्दोलनको घोषणा गरेको छ । 

हिन्डनबर्ग रिपोर्ट पछि,अडानी समूहको मार्केट क्याप ८.२८ लाख करोडले घटेको छ। योसँगै बिहीबार  
अडानी फोर्ब्सको रियल टाइम सूचीमा १७ औं स्थानमा आएका छन् ।

तपाईंको प्रतिकृया