इटलीबाट मुम्बई आउँदै गरेकी महिलाले भारतको विस्तारा एअरको फ्लाइटमा रिसको झोंकमा निर्वस्त्र बनिन्

In Headlines
January 31, 2023
Sushil Paudyal

१७ माघ २०७९ । इटलीबाट मुम्बई आउँदै गरेको भारतको विस्तारा (VISTARA) एअरको फ्लाइटमा इटली बसोबास गर्ने पाओला पेरुसियो नामकी एक महिला यात्रुले चालक दलका सदस्यमाथि हातपात साथै रिसको झोंकमा निर्वस्त्रसमेत बनिन्।

प्रहरीका अनुसार ती महिलासँग इकोनोमी क्लासको टिकट थियो। तर उनी बिजनेस क्लासमा गएर बसिन्। चालक दलका सदस्यले टिकटअनुसारको सिटमा बस्न आग्रह गरे। तर उनी उल्टै विवादमा उत्रिइन्। त्यतिमात्र हैन, चालक दलका सदस्य हातपातमै उत्रिइन्। जब चालक दलका अर्को सदस्य घटनालाई सम्हाल्न आइपुगिन्, उनीमाथि महिलाले थुकिदिइन्। त्यसपछि कपडा फुकालेर यताउता घुम्न थालिन्।

निर्वस्त्र हुन थालेपछि क्याप्टेनको निर्देशनमा तुरुन्तै पक्रेर उनलाई कपडा लगाइदिए। त्यसपछि उनलाई एक सिटमा बाँधिदिए चालक दलका सदस्यले। अनि अवतरण हुनसाथ प्रहरीको जिम्मा लगाइदिए।

पक्राउ परेकी पाओला २५ हजार भारतीय रुपैयाँ जरीवाना तिरेर छुटिसकेकी छन्। तर उक्त घटनाबारे छानबिन भने अझै जारी छ।

तपाईंको प्रतिकृया