काठमाडौं माघ १६ : यार्सा गुम्बा र स्याउको व्यापारमा आफ्नो पकड बनाउन खोज्ने तीन ग्याङबीचको द्वन्द्व  देखाउन खोजिएको अनमोल केसी अभिनित फिल्म ‘छड्के २’ को टिजर सार्वजनिक भएको छ । निगम श्रेष्ठ द्वारा निर्देशित ‘छड्के २’ फागुन १९ गतेबाट सार्वजनिक प्रदर्शनमा आउने छ । द्वन्द्व निर्देशक राजकुमार उप्रेतीको छ । मस्को सिंह र राजेन्द्र सापकोटाको छायांकन, रवि चौधरी र लोकेश बज्रचार्यको सम्पादन छ ।

फिल्ममा अनमोलको अलवा रोविन तामाङ, सिर्जना सुब्बा, कमलमणि नेपाल, रेशा आलेमगर, देवकुमार श्रेष्ठ, निगम श्रेष्ठ, चिरञ्जीवी अधिकारी, कुमार घलान लगायतको पनि अभिनय छ ।