UTL को ५ अर्ब ३० करोडभन्दा बढी रकम बक्यौता

In Headlines
January 30, 2023
Sushil Paudyal

काठमाडौँ, माघ १६ । लामो समय दाखिला नभएकोले नेपाल सरकार र नेपाल दूरसञ्चार प्राधिकरणको बक्यौता रकम दाखिला गर्न युनाइटेड टेलिकम लिमिटेड (UTL) को नाममा प्राधिकरणले सूचना जारी गरेका छ । युनाइटेड टेलिकमले प्राधिकरणलाई ५ अर्ब ३० करोडभन्दा बढी रकम तिर्न बाँकी रहेको छ ।

युनाइटेड टेलिकम लिमिटेडले नेपाल सरकार तथा यस प्राधिकरणलाई तिर्नु / बुझाउनु पर्ने अनुमतिपत्र नवीकरण दस्तुरबापतको किस्ता रकम, फ्रिक्वेन्सी, रोयल्टी र ग्रामीण दूरसञ्चार विकास कोषलगायतका दस्तुर रकम २०७९ पुस मसान्तसम्म ५ अर्ब ३० करोड ९४ लाख ४९ हजार १५३.८८ रुपैयाँ कायम हुन आएको प्राधिकरणको सूचनामा उल्लेख छ ।

मिति २०७९ माघ मसान्तसम्म प्राधिकरणलाई बुझाउनु पर्ने र उल्लेखित समय भित्र उपरोक्त बक्यौता रकम दाखिला नगरेमा प्रचलितकानुन बमोजिम कारबाही हुने चेतावनी पनि दिइएको छ ।

तपाईंको प्रतिकृया