राष्ट्रिय स्वतन्त्र पार्टीका सभापति एवम् उपप्रधान र गृहमन्त्रीको सांसद पद खारेज गर्ने सर्वोच्च अदालतको फैसला

In Headlines
January 27, 2023
Sushil Paudyal

काठमाण्डौ माघ १३ : शुक्रबार सर्वोच्च अदालतले राष्ट्रिय स्वतन्त्र पार्टीका सभापति एवम् उपप्रधान र गृहमन्त्री रवि लामिछानेको सांसद पद खारेज गर्ने फैसला गरेको छ ।
पुस ११ गते उपप्रधान एवम् गृहमन्त्रीको बाजि मारेका रबि लामिछाने ३२ दिनपछि
सांसद पद खारेज साथै उपप्रधान तथा गृहमन्त्री पद पनि गएको छ ।

सर्वोच्च अदालतले गृहमन्त्री रवि लामिछानेको सांसद पद बदर गरिदिएसँगै झुटा विवरण दिएर राहदानी बनाएको आरोपमा उनीमाथि अनुसन्धान गर्ने बाटो खुलेको छ।

लामिछाने गृहमन्त्री बनेपछि उनको नागरिकता र राहदानीमाथि परेको उजुरीमा प्रहरीले गरिरहेको उजुरी अनुसन्धान रोकिएको थियो। धेरैले उनको नागरिकतासँगै झुटो विवरण पेस गरेर प्राप्त राहदानीबारे पनि सर्वोच्च अदालतको आदेश आउँछ भन्ने अपेक्षा गरेका थिए। सर्वोच्च अदालतले आफ्नो संक्षिप्त आदेशमा लामिछानेको राहदानीका विषयमा केही कुरा बोलेको छैन। रिटको मुख्य विषय नै उनी नेपालको नागरिक नरहेकाले प्रतिनिधि सभा सदस्य बन्न अयोग्य रहेको भन्ने भएकाले राहदानीबारे नबोलेको हुन सक्ने कानुनविदहरूले बताएका छन्।

अदालतमा पेस गरिएका विवरणअनुसार लामिछानेले २०५० फागुनमा काठमाडौं जिल्ला प्रशासन कार्यालयबाट नागरिकता लिएका थिए। उनी अमेरिका गएर उतै बस्न थाले र २०७० साल फागुनमा अमेरिकी नागरिकता प्राप्त गरेका थिए।

त्यसपछि नातेदार भिसामा नेपाल आएका उनले ‘सिधा कुरा जनतासँग’ भन्ने टेलिभिजन कार्यक्रम चलाउन थाले। यसैबीच सन् २०१५ अर्थात् २०७२ सालमा अमेरिकी नागरिकता कायमै रहेको अवस्थामा उनले खारेज भइसकेको नेपाली नागरिकता लिएर नेपाली राहदानी पनि निकालेको देखिन्छ। यसरी उनले जानाजानी कुनै समय अमेरिकी र नेपाली दुवै राहदानी बोकेको स्पष्ट हुन्छ।

३२ दिनमा रविले गृह मन्त्रालयमा बस्दा केही महत्वकांक्षी योजना पनि ल्याए। केहीमा विवादित पनि बने। उनको पूरा कार्यकालमा के गर्थे भन्ने हेर्न र महसुस गर्न बाँकी नै थियो। तर कन्फिल्कट अफ इन्ट्रेसबाट उदाएका रविको ३२ दिनमा नै गृहन्त्रालयको यात्रामा ब्रेक लागेको छ।

तपाईंको प्रतिकृया