पूर्व कप्तान सन्दीप लामिछानेलाई टिममा फर्काउने की?

In Headlines
January 27, 2023
Sushil Paudyal

काठमाण्डौ माघ १३ : नेपाल क्रिकेट संघ (क्यान) का अध्यक्ष चतुर बहादुर चन्द अनुसार
नेपाली क्रिकेट टोलीका पूर्व कप्तान सन्दीप लामिछानेलाई टिममा फर्काउनेबार सम्बन्धित निकायहरुसँग राय लिइरहेको जनाएका छन् । नाबालिग बलात्कार केसमा मुद्दा खेपिरहेका
सन्दीप लामिछाने पुस २९ गते धरौटीमा छुटेका थिए।

‘यो कुरामा हामी निकै संवेदशील छौँ। सन्दीप लामिछाने नेपालका लागि चाहिने खेलाडी हुन्। नेपालको विद्यमान कानुनले कुन खालको अथोरिटी दिन्छ? त्यसका लागि सम्बन्धित ठाउँमा पहल गरिरहेका छौँ। त्यही हिसाबले अघि बढ्छौँ’, बिहीवार एक पत्रकार सम्मेलनमा क्यानका अध्यक्ष चन्दले भने, ‘अन्तर्राष्ट्रिय क्रिकेट परिषद् (आईसीसी)ले नेपालको कानुनले तिमीहरुलाई अनुमति दिन्छ भने अगाडि बढ भनेको छ। नेपालको कानुनी व्यवस्थाबारे छलफलमा छौँ। र, सम्बन्धित निकायहरुसँग राय मागिरहेका छौँ।’

बलात्कारको अभियोगमा असोज २० गते प्रहरीले त्रिभुवन विमानस्थलबाट लामिछानेलाई नियन्त्रणमा लिएको थियो। कतार एयरवेजको विमानबाट कतार हुँदै उनी त्रिभुवन विमानस्थल अवतरण भएपछि पक्राउ परेका थिए र दोषी ठहर्याएर जेल पठाइएको थीयो तर सय दिन जेल बसेका लामिछानेलाई उच्च अदालत पाटनका न्यायाधीश ध्रुवराज नन्द र रमेश ढकालको संयुक्त इजलासले २० लाख धरौटीमा रिहा गर्न आदेश दिएको थियो। उनको मुद्दा जिल्ला अदालत काठमाडौंमा विचाराधीन रहेको छ। अदालतको अन्तिम फैसला नआएसम्मको लागि उनी रिहा भएका हुन्। अदालतको फैसलाले दोषी ठहर गरेको खण्डमा पुनः जेल बस्नु पर्ने पनि हुन्छ।

लामिछानेलाई अदालतले स्थान हद समेत तोकेको छ। विदेश यात्रामा रोक लगाएको छ भने उपत्यकाबाहिर जान प्रहरीसँग लिखित अनुमति लिनुपर्नेछ। लामिछानेले पीडित, परिवारका सदस्य समेतविरुद्ध कुनै पनि टिकाटिप्पणी गर्न पाउने छैनन्। सामाजिक सञ्जालमा समेत यस्तो प्रचारलाई रोक लगाइएको छ।

तपाईंको प्रतिकृया