निफ्रा को नाफामा आक्रामकले वृद्धि

In Article, अर्थ
January 20, 2023
Sushil Paudyal

आर्थिक वर्ष २०७९/८० को दोस्रो त्रैमाससम्म बैंकको नाफा बढेर ७६ करोड ६१ लाख ६० हजार रुपैयाँ आर्जन भएको छ । जबकि अघिल्लो आर्थिक वर्ष २०७८/७९ को सोही अवधिमा बैंकले ४४ करोड २६ लाख ४८ हजार नाफा आर्जन गरेको थियो । अघिल्लो आर्थिक वर्षको तुलनामा चालू आर्थिक वर्षको दोस्रो त्रैमासमा ७३ प्रतिशतले नाफामा वृद्धि गरेको हो ।

आक्रामक कर्जा विस्तार गरेसँगै ब्याज आम्दानी बढ्दा नाफा पनि बढ्न गएको हो साथै ठूला आयोजना, भौतिक पूर्वाधार तथा विकास परियोजनमा लगानी गर्ने उद्देश्यसहति सकारको समेत लगानीमा स्थापित इन्फ्रास्ट्रक्चर बैंकले २०७९ पुस मसान्तसम्ममा कुल १९ अर्ब ८२ करोड ३० लाख ९५ हजार रुपैयाँ कर्जा लगानी गरेको छ । जसबाट बैंकले दोस्रो त्रैमाससम्म १ अर्ब ३२ करोड ४९ लाख ४८ हजार रुपैयाँ खुद ब्याज आम्दानी गरेको छ । गत आवको सोही अवधिमा बैंकले ८ अर्ब १३ करोड ६४ लाख ७८ हजार रुपैयाँ खुद ब्याज आम्दानी गरेको थियो ।

तपाईंको प्रतिकृया