क्याटलान क्लब बार्सिलोना साउदी अरबको रियादमा आइतबार राति भएको फाइनलमा डिफेन्डिङ च्याम्पियन रियल म्याड्रिडलाई ३–१ गोल को अन्तरले हराउँदै सुपर कप च्याम्पियन बनेको हो ।

किङ फाद इन्टरनेसनल स्टेडियममा खेलको ३३ औं मिनेटमा १८ वर्षीय गाभिले रोबर्ट लेवान्डोस्कीको पासबाट गोल गर्दै बार्सिलोनालाई सुरूआती अग्रता दिलाएका थिए र हाफ टाइमभन्दा ठीक अगाडि गाभिकै पासमा लेवान्डोस्कीले गोल गर्दै बार्सिलोनालाई पहिलो हाफमा २-० ले अग्रता दिलाए।

यस्तै दोस्रो हाफको ६९ औं मिनेटमा गाभीको सुन्दर पासमा पेड्रीले गोल गर्दै खेलमा बार्सिलोनाले ३-० को अग्रता बनायो। तर करिम बेन्जेमाले खेलको इन्जुरी समयमा गोल गर्दै अन्तर घटाए पनि हार जोगाउन सकेनन्।