यति एयरलायन्सको जहाज दुर्घटना : सनाखत भएका शव आज परिवारलाई जिम्मा लगाइने

आइतबार भएको यती एयलाइन्सको जहाज दुर्घटनामा परी मृत्यु भएकाको शव जिल्ला प्रशासन कार्यालय कास्कीका सहायक प्रमुख जिल्ला अधिकारी अनिल शाही का अनुसर सोमबार बिहान ९ बजेदेखि आवश्यक प्रक्रिया पूरा गरी परिवारलाई बुझाइने छ ।

दुर्घटनामा परी ज्यान गुमाएका ६८ जनाको शव अस्पतालमा पुर्‍याइएको छ भने ४ जनाको अवस्था अज्ञात छ । उनीहरुबारे खोजी कार्य तीव्र पारिएको जिल्ला प्रशासन कार्यालय कास्कीले जनाएको छ ।

आइतबार भएको विमान दुर्घटनामा मारिएकामध्ये पाँच भारतीय पनि थिए । यीमध्ये चार उत्तर प्रदेशको गाजीपुरका बासिन्दा थिए र पशुपतिनाथ दर्शन गर्न काठमाडौँ आएका थिए । रिपोर्टका अनुसार यती एयरलाइन्सको विमान दुर्घटनामा मारिएका पाँच भारतीयमध्ये अभिषेक कुशवाहा, विशाल शर्मा, अनिल कुमार राजभर र सोनु जायसवाल समावेश थिए । उनीहरु सबै २५ देखि ३० वर्षका थिए । उनीहरु उत्तर प्रदेशको गाजीपुर जिल्लाका बासिन्दा थिए । यद्यपि, पाँचौ मृतक सञ्जय जायसवाल थिए ।

तपाईंको प्रतिकृया