को हुन रामेश्वर श्रेष्ठ ?

सामान्य र सरल स्वभावका रामेश्वर श्रेष्ठ गठबन्धनबाट काठमाण्डौँ महानगरको उपप्रमुखको उम्मेद्धवार हुन् । नेकपा एकिकृत समाजवादी काठमाण्डौँ महानगरका अध्यक्ष समेत रहेका श्रेष्ठ काठमाण्डैँवासीका लागि परिचित नाम हो ।

२०४६ सालको पंचायती व्यवस्था विरुद्धको ऐतिहासिक आन्दोलनबाट राजनीतिमा होमिएका रामेश्वर श्रेष्ठ त्याग र बलिदानको पयार्य तथा परिवर्तन र विकासको पक्षमा अडिग भई उभिने एक साहसीक एवं प्रखर वक्ता हुन् ।

युवा राजनीति फाँटबाटै अघि बढाएका श्रेष्ठ राजनीतिमा कहिल्यै आफनो स्वार्थको पछि लागेनन् बरु उनले सरकारी सेवाबाट राजीनामा दिई राजनीतिमा आए । निष्ठा र कम्यूूनिष्ट विचारमा केन्द्रीत श्रेष्ठले आफूू जनताकै सेवामा समर्पित हुने प्रतिबद्धता गरेका छन ।

काठमाण्डौको कुलेश्वर कामनपा वडा नम्बर १४ साविक ह्युमत कामनपा १२ कुलेश्वरमा पिता हरि बहादुर श्रेष्ठ र माता रुप केश्वरी श्रेष्ठको कोखबाट २०२७ साल असोज २९ गते जन्मनुभएका श्रेष्ठको सक्रिय राजनीतिक यात्रा २०५० सालमा माले निकट प्रजातान्त्रिक राष्ट्रिय युवा संघको जिल्ला कमिटि सदस्यको रुपमा सुरु भएको हो ।

जिल्लाको सरस्वती निकेतन माध्यमिक विद्यालय हुँदै पब्लिक युथ क्याम्पस धोबिचौरबाट राजनीतिक शास्त्रमा स्नातक र मास्र्टस हुँदै बुद्धिजममा पिएचडी हासिल गरेका उनी कृटनीतिक मामिलाका विज्ञ हुन् । २०४५ देखि २०४७ सालसम्म सिहंदरवारस्थित पुर्ननिमार्ण सचिवालयमा लेखापालका रुपमा कार्यरत रहेका श्रेष्ठ २०६२/६३ सालको ऐतिहासिक जनआन्दोलन र पार्टीले आह्वान गरेको विभिन्न आन्दोलनमा सरिक हुँदै गर्दा २०५४ सालमा माले निकट युवा संघको काठमाण्डौँ जिल्ला सचिव र २०५५ सालमा नेकपा माले काठमाण्डौँ विशेष जिल्ला कमिटी सदस्य सदस्यका रुपमा राजनीतिमा थप सक्रिय भएका हुन । श्रेष्ठ २०५६ सालमा नेकपा एमाले जिल्ला कमिटि सदस्य हुँदै २०५८ सालमा उपत्यका विशेष कमिटि सदस्य, २०५९ सालमा एमाले निकट युवा तथा खेलकुद विभागको केन्द्रीय सदस्य, संस्कृति विभागका सचिव र २०६० सालमा काठमाण्डौँ जिल्ला खेलकुद विकास समितिका अध्यक्ष बनेका थिए ।

नेपालको कम्युनिष्ट राजनीतिक उतारचडाव र संघर्षका बाबजुद पनि पार्टीको संगठन विस्तार अभियानमा निरन्तर जुडिरहनुभएका एक साहसीक योद्धा श्रेष्ठ तत्कालिन प्रधानमन्त्री झलनाथ खनालको स्वकीय सचिव हुँदा उनको राजनीतिक लोकप्रियताले अरु उचाँई चुम्यो । यहाँसम्मको यात्रा तय गर्दासम्म उनको राजनीतिक लोकप्रियता केन्द्रीय राजनीतिमा समेत स्थापित भईसकेको छ ।
काठमाण्डौँका जनताको जनजीवनलाई नजिकबाट नियालेका उनी पार्टीको संगठन विस्तार र पार्टी र संगठनको लोकप्रियता वृद्धिका लागि सक्रिय श्रेष्ठको योगदान आजपर्यन्त उस्तै छ ।

सरल स्वभावका श्रेष्ठ राजनीतिक छलकपटको विरोधी हुन । पटक पटक राजनीतिक प्रतिफल वा भनौँ राजनीतिमा जनताबाट परिक्षण हुनेबेला उनी २०७० सालको काठमाण्डौँ क्षेत्र नं. ९ बाट संविधानसभाको चुनावमा टिकट पाउनबाट बन्चित हुनुपर्यो र २०७५ सालको बागमती प्रदेश सभाको प्रदेश सभा सदस्यको लागि पार्टी बाट सिफारिस भएपनि अन्तिमा उनको टिकट खोसिएको थियो । त्यसयता तत्कालिन नेकपा एमाले र नेकपा माओवादी केन्द्रबीच पार्टी एकिकरण हुँदा श्रेष्ठ काठमाण्डौँ महानगर अध्यक्ष र सर्वोच्च अदालतले पार्टी एकिकरणलाई मान्यता नदिएपछि उनी नेकपा एमाले बागमती प्रदेश सदस्यका रुपमा काम गरेको उनीसँग लामो अनुुभव पनि छ ।
राजनीतिमा निष्ठाका साथ लागेका उनले कहिल्यै गलत नेतृत्वको पक्षपोषण समेत गरेनन । समाजवाद, लोकतन्त्र, प्रजातान्त्रिक र नागरिकको हक हित र अधिकारका लागि विभिन्न आरोह अबरोह चिर्दै इमान्दारिताका साथ लोकतन्त्र, प्रजातन्त्र, गणतन्त्र प्रति निष्ठा र विधिको शासनका लागि चटटानी भुमिका खेलिरहनुभएका श्रेष्ठ काठमाडौँको कोर एरिया १२ नम्बर वडाका बासिन्दा श्रेष्ठ राम्रो जनसम्पर्क भएका नेता मानिन्छन् ।

२०७७ साल पुसमा केपि शर्मा ओलीले संसद विघटन गरेपछि यसको विपक्षमा उभिए र एमालेबाट विद्रोह गरी श्रेष्ठ माधव नेपाल नेतृत्वको नेकपा एकिकृत समाजवादी लागेका उनी हाल काठमाण्डौँ महानगरका अध्यक्ष तथा केन्द्रीय सदस्य र काठमाण्डौँ महानगरको सहइन्चार्ज हुन ।

श्रेष्ठले आफ्नो राजनीतिक जीवनको धेरै समय उत्पीडत उपेक्षित वर्ग समुदायको अधिकारको उठान, जनतासँग निकटता रही सामाजिक सेवा, सहयोग गर्दै आएका श्रेष्ठलाई आस्रन्न स्थानीय निर्वाचनमा पाँच दलीय गठबन्धनको तर्फबाट एकीकृत समाजवादीको सिफारिसमा काठमाण्डौँ महानगरपालिको उपप्रमुखको उम्मेदवार बनेका श्रेष्ठले जनताले विश्वास गरेमा शिक्षा र स्वास्थ्यलाई प्राथामिकता दिएर काम गर्ने प्रतिबद्धता जनाएका छन्।

उनले भने, ‘हाम्रो प्राथामिकता नै शिक्षा र स्वास्थ्य हुन्छ । महानगरको आफ्नै अस्पताल बनाएर जेष्ठ नागरिक गरिबलाई सेवा दिन्छौँ ।’ ‘एमालेमा दक्षिणपन्थी अवसरवाद हावी भएको र कम्यूूनिष्ट आन्दोलनमा विचलन आएपछि हामी विद्रोह गरेका हौं, यो पटक एमालेमा रहेकाहरुले पनि मलाई भोट दिनुहुनेछ’ श्रेष्ठले भने । उनले काठमाण्डौं महानगरलाई बनाउने दृढ सकल्प सहित चुनावी मैदानमा होमिएको सुनाए ।