निर्माण व्यवसायी महासंघको अध्यक्षमा रवि सिंह पुनः निर्वाचित

In Headlines
March 14, 2022
Niroj Tolange

काठमाडौं, ३० फागुन । निर्माण व्यवसायी महासंघ (एफक्यान)का अध्यक्षमा रवि सिंह पुनः निर्वाचित भएका छन् ।

अध्यक्षका प्रत्याशीद्वय निकोलश पाण्डे र हुमनाथ कोइरालालाई पराजित गर्दै उनी दोस्रो पटक अध्यक्ष बन्न सफल भएका हुन् । ११८५ मत खसेकोमा सिंहले ७६५ मत प्राप्त गरेका थिए । यस्तै पाण्डेले ३३७ मत पाउँदा कोइरालाले ३२ मत मात्रै पाए ।

त्यस्तै वरिष्ठ उपाध्यक्ष र महासचिव पनि सिंह प्यानलकै उम्मेदवार निर्वाचित भएका छन् । वरिष्ठ उपाध्यक्षमा आङदोर्जी लामा र महासचिवमा रोशन दाहाल निर्वाचित भएका छन् । लामाले ५६३ मत प्राप्त गर्दा निकटतम प्रतिस्पर्धी धिरेन्देर दाहालले २८९ मत प्राप्त गरेका थिए ।

महासचिवमा रोशन दाहालले ७१९ मत ल्याउँदा उनका निकटतम प्रतिस्पर्धी वासुदेव उप्रेतीले १७२ मत मात्रै ल्याए ।

उपाध्यक्षमा भने पाण्डे समूहको वर्चश्व देखिएको छ । एसोसिएट उपाध्यक्षमा रामजी पन्त (मुकेस), प्रदेश १ बाट उपाध्यक्षमा मोहन प्रसाद अधिकारी, लुम्बिनी प्रदेशबाट उपाध्यक्षमा टोप बहादुर रायमाझी निर्वाचित भएका छन् । त्यसैगरी बागमती प्रदेशबाट बालकृष्ण थापा र गण्डकी प्रदेश उपाध्यक्षमा खेम राज मल्ल निर्वाचित भएका छन् । निर्वाचित पाँचै जना उपाध्यक्ष पाण्डे प्यानलका हुन् ।

यस्तै उप महासचिव नीतिगत तर्फ शिवहरि घिमिरे, मधेस प्रदेशबाट शम्भु ठाकुर, बागमती प्रदेशबाट बालकृष्ण थापा, लुम्बिनी प्रदेशबाट टोपबहादुर रायमाझी, कर्णाली प्रदेशबाट रत्न बहादुर खड्का र सुदूरपश्चिम प्रदेशबाट प्रकाश सेठी निर्वाचित भएका छन् ।

तपाईंको प्रतिकृया