प्रेस विज्ञप्ति

कोभिड महामारीमा बिभिन्न स्वास्थ्य पूर्वाधारको अभाव झेलिरहेका नेपालका थुप्रै अस्पतालहरूलाई बतास अर्गनाइजेसन अन्तरगतको सामाजिक संस्था “बतास फाउन्डेसन” ले अक्सिजन कन्सन्ट्रेटरका साथै विभिन्न राहत सामग्रीहरू उपलब्ध गराएको छ । यस अन्तरगत बतासका सदस्य मोहन बतासले दमौली जिल्ला सरकारी अस्पतालका लागि करिब १९ लाख रकम पर्ने १० थानअक्सिजन कन्सन्ट्रेटर अस्पतालका कार्यकारी निर्देशक डा. सुनिल पौडेललाई हस्तान्तरण गर्नुभएको छ । यसका साथै बतासकभगिनी संस्था बि.पि.एस.पेट्रोलियमका प्रबन्ध सञ्चालक शिव अर्यालले देव चुली नगरपालिका वडा नं. ५ मा रहेको दुम्कौली कोभिड अस्पताललाई ३ लाख रुपैयाँ बराबरको अक्सिजन कन्सन्ट्रेटर र बन्दिपुर आधारभूत स्वास्थ्य चौकीलाई १ थान अक्सिजन कन्सन्ट्रेटर देवचुली नगरपालिका वडा नं ५ का वडा अध्यक्ष शिवलाल सापकोटा मार्फत सहयोग हस्तान्तरण गर्नुभएको छ । यसका अतिरिक्त IRW नेपालको साझेदारीमा नौकुण्ड गाउँपालिकाका कोभिड प्रभावित ४ सय घरपरिवारलाई अनुमानित लागत १३ लाख बराबरको खाद्यान्न प्याकेट उपलब्ध गराउने प्रकृयामा रहेको छ । जस अनुसार ती घरधुरीमा २५ के.जी चामल, ३ के.जी. मुसुरोको दाल, नुन २ के.जी., चिनी २ के.जी. तेल तथा साबुन बितरण गरिने छ ।

यसै गरी बतास फाउन्डेसनले आउँदो महिनामा रसुवा जिल्लाको नौकुण्ड अस्पतालका लागि अनुमानित रु. १२ लाख बराबरको ५० थान अक्सिजन सिलिन्डर (१० लि. क्षमताका ३५ वटा तथा ४० लि. क्षमताका १५ वटा) स्वास्थ्य सामग्री उपलब्ध गराउने योजना रहेको छ । यी र अन्य सहयोग गरी बतास अर्गनाइजेसनबाट करिब ४८ लाख रुपैयाँको सहयोग भएको जानकारी बतास फाउन्डेसनका कन्ट्री म्यानेजर श्री निर्मल भण्डारीले बताउनु भएको छ ।