लकडाउनको नयाँ मोडालिटीमा नागरिकले रोग र भोगबाट बच्‍न सुरक्षाको अनुभूति गर्न पाउन

कुमारीपाटी, ललितपुर

लकडाउनकाे नयाँ मोडालिटी घोषणा नहुँदै काठमाडौ‌ंमा लकडाउन अलि खुकुलो भएकाे देखिन्छ। संक्रमितकाे संख्या ४००० नाघेकाे अवस्था छ। संक्रमितलाई राखिएका र क्वारेन्टाइन क्षेत्रहरूकाे व्यवस्थापन त्यति राम्रो नभएको गुनासाहरू सार्वजनिक भएका छन्।
१५ जनाले काेराेनाबाट ज्यान गुमाइसकेका छन्। लकडाउन अवधिमा मात्रै ११०५ जनाले आत्महत्या गरेकाे तथ्यांक सार्वजनिक भएकाे छ। नागरिकले भविष्य नदेखेर रोग र भोकको डरले आत्महत्या गरेको यो डरलाग्दो तथ्याङ्क हो।

दुई महिनाभन्दा लामो बन्दाबन्दीमा बसेका मानिसहरू संयमित हुन छाेडिसकेकाछन्। महामारीको त्रासहुँदाहुँदै मानिसले अनेक वहाना बनाएर एम्बुलेन्समा भए पनि यात्रा गरेकाे पाईएको छ।
हिजो मात्रै सिन्धुलीबाट एकजना एम्बुलेन्समा चढेर बाटोमा आउदै गरेकाे खबर घरबेटीले जानकारी पाएपछि घरबेटी लगाएत अन्य काेठामा बस्नेहरू मानसिकरूपमा तनाबमा रहेकाे देखिन्थे । क्वारेन्टाइनमा बसेर मात्रै आउ भनेर घरधनीले त भने तर क्वारेन्टाइन कहाँ छ? भनेर सोध्न जाँदा पहिला परिक्षण आफैले गर्नुपर्ने अनि मात्रै रिपोर्ट आएपछि क्वारेनटाइनमा जाने व्यवस्था रहेछ। अहिले कोरोनाको लागि आफ्नै खर्चमा परिक्षण गर्नुपर्ने अवस्था भएकाेले ज्याला मजदुरी गर्नेलाई रु १५०००।- तिरेर परिक्षण गर्नसक्ने क्षमता हुदैन । ति एम्बुलेन्समा आएका व्यक्ति ललितपुर कतै साथीकोमा बसेकाछन्।
अब लागु हुने लकडाउनकाे नयाँ माेडालिटीले द्रुतगतिमा बढेकाे संक्रमणलनई नियन्त्रण र संक्रमितलाई व्यवस्थित आइसाेलेसन बनाउन सकेन भने स्थिति झन भयावह हुने अवस्था देखिन्छ। नागरिकको कोरोना परिक्षण जस्तो काम सरकारले गर्न नसक्दा लकडाउन खुकुलो भएपछिको अवस्था झनै खतरा हुने देखिन्छ। नागरिकले सरकार छ भनी अनुभूति गर्न सक्ने वातावरण बनाउ सरकार।

तपाईंको प्रतिकृया