फराह, रवीना र भारतीको विरूद्ध पंजाबमा उजुरी, अनिल कान्तद्वारा संयमको आग्रह, फराहद्वारा ट्विटरमा माफी

In अनलाइन (Online, E-paper, Youtube), धर्म
December 28, 2019
Bidur Adhikari

डिसेम्बर २८, शनिवार ।

बलिउड कलाकार फराह खान, रवीना टंडन र भारती सिंहको विरूद्ध पंजाबको अमृतसरको प्रहरीमामा उजुरी परेको छ । तीनै जनाको विरूद्धमा धार्मिक भावनामा आघात पुर्याएको भनी उजुरी परेको हो ।

https://bidura.blogspot.com/2019/12/blog-post.html

क्रिसमसको दिन टिवी च्यानलमा रवीना टंडन, फराह खान र भारती सिंहको कमेडी शो प्रसारित भएको थियो जसमा इसाई धर्ममा अति पवित्र र परमेश्वरको आराधना आदर महिमा गर्दा प्रयोग गरिने शब्द हलेलुया (Hallelujah) काे स्पेलिङ गर्ने क्रममा यस्तो ठट्टा गरियो कि इसाईहरूले आफ्नो आस्थाको अपमान र परमेश्वरको अनादर भएको महसुस गरेको भनी उजुरीमा उल्लेख छ ।

रवीना, फराह र भारतीको विरूद्धमा आईपीसीको धारा 295A अनुसार पुलिस स्टेशनमा उजुरीमा परेको हो ।

एसएसपी विक्रम जीत दुग्गलले उजुरी परेको पुष्टि गरेका छन्।

यसै बिचमा हल्लेलुया शब्दमाथि भएको ठट्टाका बारेमा भारतीय गायक अनिल कान्तद्वारा इसाई समुदायलाई प्रार्थनासहित संयम अपनाउन र गल्ति गर्ने सेलिब्रेटीहरूलाई पश्चात्ताप गर्न सुझाव दिएका छन् । उनले भनेका छन्ः हामीलाई चोट पुगेको छ र अपमान भएको महसुस भएको त छ, तर उनीहरूले कुनै धर्म मत र अनुयायीहरूलाई नभएर वास्तवमा परमेश्वरको विरूद्धमा पाप गरेका छन् । तर उहाँ क्रोध गर्नमा ढिला हुनुभएझैं हामी धिरजी हुुनपर्छ र उनीहरूका लागि प्रार्थना गरिदिनुपर्छ, उनले भनेका छन् ।

यसै बिचमा निर्देशक फराह खानले ट्विटरमा उक्त ठट्टाको बारेमा अनजानमै इसाई समुदायको भावनामा चोट पुर्याएकोमा माफी मागेकी छिन् ।

https://bidura.blogspot.com/2019/12/blog-post.html