“समानताको पुस्ता, बलात्कार विरुद्ध ऐक्यबद्धता” विषयक अन्तरकृयात्मक कार्यक्रम आयोजित

Interaction on “Orange the World: Generation Equality Fights against Rape”

मंसिर २४, ललितपुर ।

हिजो ललितपुरको क्वालिटी फुडल्याण्डमा महिला, बालबालिका तथा मानव अधिकारको क्षेत्रमा कार्यरत आठ वटा संस्थाहरूको संयुक्त पहल र सहकार्यमा यस वर्षको लागि संयक्त राषट्रसंघले निर्धारणा गरेको १६ दिने मानव अधिकार अभियानमा आधारित “समानताको पुस्ता: बलात्कार विरुद्ध ऐक्यवद्धता” विषयक एक अन्तरकृयात्मक कार्यक्रम आयोजना गरियो ।

मदर चाइल्ड केयर सेन्टरका संस्थापक कोषाध्यक्ष जानुका भट्टराईले सञ्चालन गर्नुभएको उक्त अन्तकृया रिलिजियस पिस फोरमका संस्थापक अध्यक्ष जोना योन्जनको सभाध्यक्षतामा भएको थियो ।

अधिकारकर्मी, समाजसेवा, महिला तथा बालबालिकाहरूको हितका पक्षमा कार्य गरिरहेका संघसंस्थाका प्रतिनिधि तथा अगुवाहरूको उपस्थितिरहेको उक्त अन्तरक्रियाका प्रमुख अतिथि हुनुहुन्थ्यो आमा घरका संस्थापक दिल शोभा श्रेष्ठ । अधिकार र पैरवीको कुरा, चेतना र खबरदारीको कुरा यसको प्रकृतिअनुरूप नै ठोस विकास निर्माण जस्तो नभई, सभा सम्मेलन, भेटघाट, कुरा सुन्ने सुनाउने, ऐक्यबद्धता जनाउने जस्ता कामद्वारा अगि बढ्ने हुनाले एकै प्रकारका र झट्ट केही प्रभाव नदेखिनेजस्तो हुनाले यस्ता कार्यक्रममको उपादेयता र उपयोगिता छ वा छैन, किन अवश्यक छ र भन्ने प्रश्न पनि उठ्न सक्छ । तर सोच शैलीमा परिवर्तन, कानुनी व्यवस्थाका कुरा यस्तै बहस विमर्शद्वारा नै प्रभावित हुने हुनाले महिलामाथि हुने हिंसा विरूद्धमा बोल्नुपर्छ, यस्ता कार्यक्रममा सहभागिता र प्रतिबद्ता जाहेर गर्नुपर्छ भनी आजको यो अन्तरक्रिया पनि आयोजना गरिएको हो, स्वागत मन्तव्य दिँदै माफ नेपालका अध्यक्ष तथा आयोजक संयोजक विदुर अधिकारीले बताउनु भयो ।

त्यसपिछ मन्तव्य राख्ने क्रममा नेपाल महिला विश्वासी संघका ज्योति रञ्जितले बलात्कार तथा अन्य यैन हिंसामा परेका महिला तथा बालबालिकाहरूलाई परामर्श उपलब्ध गराउनुपर्ने, विद्यालयका पाठ्यक्रममा उचित रूपमा यैन शिक्षा समावेश गरिनुपर्ने आवाज उठाउनुभयो भने सुनिता फाउण्डेसनका संस्थापक सदस्य विमला रायामाझीले पनि लैंगिक हिंसा र दुर्व्यवहारका कारण धेरै महिलाहरूले मानिसक सन्तुलन समेत गुमाएके तथ्यांक प्रस्तुत गर्नुहुँदै यो विकराल समस्या समाधानको लागि सबै पक्षको साथ र सहकार्य अवश्यक रहेको बताउनुभयो । मदर चाइल्ड केयर सेन्टरका संस्थापक अध्यक्ष कृष्ण कुमार थापाले संस्थागत विकास साथै महिला पुरूष समताद्वारा नै सफलतामा पुगिन्छ भनी एकअर्काको कदर गर्दै अगि बढ्नुपर्छ भन्नुभयो ।

त्यसैगरी, आशा नेपालका प्रशासक तथा कानुनविद आएशा मैनालीले विभन्न मामिला अध्ययन प्रस्तुत गर्नुहुँदै, बलात्कार जस्ता जघन्य अपराधमा मुद्दा नै चलाइँदैन, चलाइए पनि अन्य सानातिना अरोपमा हल्का दण्ड दिइ छोडिदिने प्रचलन रहेको तथ्य प्रस्तुत गर्दै, परिव।तन हामीबाटै सुरू हुनुपर्ने कुरामा जोड दिनुभयो । पुरूषसँग समानतमात्रै खोज्दा पुरूष नै केन्द्र बिन्दु रहिरहने मान्यता अझ स्थापि हुन्छ, यसकारण महिलाका हक अधिकारका कुरा पुरूषहरूको भाष्यमा अधारित हुनुनहुने तर्क पनि उहाँको थियो ।

सिभिक एलाएन्स फर एड्भोकेसी नेपालका अध्यक्ष अधिवक्ता भविन्द्र राइले पनि कार्यस्थल मात्र नभइ समग्र कामको संसारमा हुने महिला हिंसा, हाम्रो मूल्यमान्यता, तथा संरचनागत विभेदको गम्भीर अवस्था दर्शाउँदै, यसका लागि सोच र चिन्तनमा रूपान्तरण आवश्यक रहेको कुरामा जोड दिनुभयो ।

आमा घरकी दिलशोभा श्रेष्ठले गुनासो होइन जिज्ञासा, आश्रम होइन आश्रय, अनि मरेपछि सराद्धे होइन, जिउँदैमा श्रद्धा दिन सिकाैँ र सकाैँ भनी आफ्नो संघर्ष, आस्थाले दिएको शान्ति तथा अहिले पनि घर भाडामा लागउँदा महिनाको रू एक लाख भाडा प्राप्त हुने, तर त्यसको बदला ७० जना वृद्धवृद्धाहरूलाई अश्रय दिइरहेको कुरा बताउनुहुँदा उपस्थित सबै गम्भीर हुनपुगेका थिए ।

त्यसपछि फ्रिडम फर अलका महासचिव खगेन्द्र ओलीले हाम्रो नैतिकता र सोच कता गइरहेको छ, गम्भीर प्रश्न यो छ भनी कसैले गाउँ समाजमा सचेतना अभियान र असल कार्यक्रम लिएर अयो भने गैरसरकार होस् वा सरकारी कार्यक्रम नै होस्, त्यसको विरोध र अलोचना मात्रै गर्ने तर अफू भने सिन्को नभाँच्ने अकर्मण्य सोच र शैलीको भण्डोफोर गर्नुभएको थियो ।

त्यसैगरी मन्तव्यकै क्रममा विरेन्द्र अन्तरराष्ट्रिय सम्मेलन केन्द्रका कार्यकारी निर्देशक पुरूषोत्तम अमात्यले यस्तो अभियान १६ दिन मात्र होइन, तर अनन्तसम्म यस विसषयमा काम हुनपर्छ, हरेक जिम्मेवार बन्नुपर्छ, काम नगर्ने नामधारी मन्त्रालय तथा विभागहरूसँग जबाफदेहीता माग्नुपर्छ र काम नगरे खारेज गरिदिनुपर्छ भन्नुहुँदै

Please visit this link for more news on this:

Courtesy: http://arthikkon.com/2019/12/10

तपाईंको प्रतिकृया