ललितपुर । मंसिर २०, शुक्रवार ।

अधिकारकर्मी, समाजसेवी, महिला तथा बाल अधिकारका क्षेत्रमा कार्यरत संससंस्थाहरूको संयुक्त पहल र सहकार्यमा यस वर्षका लागि संयुक्त राष्ट्रसंघले तय गरेको  “समानताको पुस्ता, बलात्कार विरुद्ध ऐक्यबद्धता” मुख्य विषयमा केन्द्रित रही एक अन्तरकृयात्मक कार्यक्रम आयोजना गरिने भएको छ ।

मदर चाइल्ड केयर सेन्टरका जानुका भट्टराइले यस सम्बन्धमा जानकारी दिनुहुँदै, उक्त अन्तरक्रियबाट एक साझा अवधारणा र प्रतिबद्धता जारि गरिने बताउनुभयो । यही डिसेम्बर ९ तारिख सोमवार ललितपुरमा आयोजना गरिने भनिएको अन्तरक्रियात्मक कार्यक्रममा सञ्चारकर्मी तथा अधिकारकर्मीहरूसँग गहन छलफल समेत गरिनेछ ।

महिला बालबालिका तथा यस्तै अन्याय उत्पीडनमा परेका वर्ग र समुदायका माझमा र पक्षमा सेवा गर्दै आएका संघसंस्था, व्यक्तित्व लगायत अधिकार कर्म तथा सञ्चारकर्मीहरू माझको उक्त अन्तरकृयामार्फत निर्माण तथा घोषणा गरिने साझा अवधारणा राज्य तथा सरोकारवाला निकायहरूसम्म उत्पीडितहरूको आवाज पुर्याउने एक प्रभावकारी साधन बन्नेछ भन्ने हाम्रो विश्वास छ, उहाँले बताउनुभयो ।

यस कार्यक्रमका लागि सुनिता फाउण्डेसन, नेपाल महिला विश्वासी संघ, आशा नेपाल, मदर चाइल्ड केयर सेन्टर, माफ नेपाल, क्यान नेपाल,  रिलिजस पिस फोरम, सुन्दर ढोका साथी सेवा लगायतका संस्थाहरूको सहकार्य रहेको छ ।