“देशका लागि खेलाडी, खेलाडीका लागि खुला टुँडिखेल” प्रेस विज्ञप्ति

प्रेस विज्ञप्ति

काठमाडौं, मंसिर १९, २०७६

विभिन्न सरकारी निकायहरूबाट लामो समयदेखि अतिक्रमण हुँदै आएको टुँडिखेललाई खुला सार्वजनिक स्थलमा परिणत गर्न एक महिनादेखि हरेक शनिबार #MuktaTundikhel #OccupyTundikhel #मुक्तटुँडिखेल अभियान सञ्चालनहुँदै आएको छ । पाँचौं सातामा प्रवेश गरेको यो अभियानअन्तर्गत आउँदो शनिबार हामीले स्वस्थ जीवन यापनका लागि खुला स्थलको महत्वमाथि प्रकाश पार्ने उद्देश्य लिएका छौं । चालू दक्षिण एसियाली खेलकुद (साग) को अवसर सदुपयोग गर्दै यसपालि यो अभियानले खेलाडीहरूको क्षमता विकास निम्ति अवरोधरहित खुला स्थलको महत्वमा पनि जोड दिनेछ । नयाँ पुस्ताका खेलाडीलाई पर्याप्त अभ्यासको वातावरण दिन जनतालाई पायक पर्ने ठाउँहरूमा खुला सार्वजनिक स्थलको खाँचो पर्छ, जहाँउनीहरूले आफ्नो क्षमता तिखार्न सक्नेछन् । मैदान भनेको खेलकुद क्षेत्रको आधारभूत पूर्वाधार हो । मैदानमा छेकबार लगाएसम्म कुनै पनि राष्ट्रको खेलकुद क्षेत्र विकास हुने कल्पना गर्न सकिन्न।

पाँचौं साताको कार्यक्रम यही मंसिर २१ गते बिहान ९ बजे सुरू हुनेछ । कार्यक्रम स्थलहो, टुँडिखेलभित्रको खरीबोट, सहिदगेटको उत्तरपूर्वमा रहेको गुरूमापाको रूखसहितअन्य रूखहरू भएको क्षेत्र (प्रवेशः काठमाडौं मल अगाडिको गेटबाट) ।
यो शनिबारको कार्यक्रममा राष्ट्रिय फुटबल खेलाडीहरू विराजमहर्जन, विशाल राई, विशालश्रेष्ठ, देवेन्द्र तामाङ, हेमान गुरुङ, रिजन धिमानलगायतख्यातिप्राप्त खेलाडीहरूले आफ्नो अभ्यास प्रदर्शन गर्दै खुला स्थलकारूपमा टुँडिखेलसँगजोडिएको सम्बन्धबारे चर्चा गर्ने छन् । त्यस्तै, युनिटी तेक्वान्दो दोजाङले मैत्रीपूर्ण प्रतिस्पर्धा आयोजनागर्नेछ । यसबाहेक अन्यविभिन्न खेलकुद गतिविधिहरू पनिआयोजना हुनेछन्, जसले टुँडिखेलजस्तो ठाउँलाई खेलकुद सुविधायुक्तखुला सार्वजनिक स्थलकारूपमा विकास गर्ने आवश्यकताको सन्देश दिनेछ ।
यस अभियानअन्तर्गत अघिल्ला साताहरूमा टुँडिखेलको ऐतिहासिक, सांस्कृतिक, सामाजिक–राजनीतिक तथा वातावरणीय महत्वमाथि केन्द्रित रहेर कार्यक्रम गरिएका थिए । काठमाडौंको वातावरण, भूमिगत पानी व्यवस्थापन र स्वस्थ जीवन यापनका लागिअपरिहार्य यो खुलाचउर बसपार्क, अनधिकृत अतिक्रमण, अनधिकृत पसल सञ्चालन, अनधिकृत पार्किङ, भवन बनाउने सामान र कामदार बस्ने ठाउँ बनाएर मासिँदै गरेको स्थिति छ। विगतमा रानीपोखरीदेखि दशरथ रंगशालासम्म फैलिएको टुँडिखेललाई पुरानो वास्तविक स्वरूपमा फर्काउने र कुनै पनिभौतिक संरचनानभएको खुला सार्वजनिक स्थलमा परिणत गर्ने उद्देश्यले नागरिक स्तरमा यो अभियान सुरू भएको हो । यसअन्तर्गत आयोजना गरिँदै आएको जनचेतनामूलक जमघट आगामी सात सातासम्म कायम रहनेछ ।
यस अभियानको आवाजलाई जनतासमक्ष पुर्याउन यहाँहरूको भूमिका अत्यन्तै महत्वपूर्ण छ । विगतमा जस्तै यो अभियानलाई आफ्नो सञ्चारमाध्यममा यथोचित स्थान दिएर सहयोग गर्नुहुनेछ भन्ने अपेक्षा राख्छौं ।
विजय श्रेष्ठ, संयोजक (९८५१०३५०९७)
तस्बिरः आभाषकर्म

तपाईंको प्रतिकृया