“अल्पसंख्यक समुदायमाथि उत्पीडनका कारकहरू र पैरवीका आयामहरू” विषयक एक दिने अन्तरकृया आयोजित

कार्तिक २९, काठमाण्डौ

“त्यस्ताहरूको पक्षमा बोल जो आफनो पक्षमा बोल्न सक्दैनन् ” भन्ने मूल मर्मका साथ मिडिया एड्भोकेसी फोरम नेपालले स्वतन्त्रतापूर्वक सामाजिक सरोकारका मुद्धामा साथै अल्पसंख्यक र सीमान्तकृत वर्ग तथा धार्मिक समुदायसँगै र उनीहरूको पक्षमा पैरवी गर्दै आएको मिडिया एड्भोकेसी फोरम नेपालले यस्ता समुदायका हकहित र अधिकारको बहसलाई राज्यका सरोकारवाला निकायहरूसम्म पुर्याउने लक्ष्यकासाथ “नेपालको वर्तमान सन्दर्भमा उत्पीडनका कारकहरू तथा पैरवीका आयामहरू” विषयक एक अन्तरक्रिया आयोजना गरेको छ ।

उक्त कार्यपत्रमाथि विभिन्न संघसंस्थाका प्रतिनिधिहरू, धार्मिक समुदायका अगुवाहरू, मानव अधिकारकर्मी, सञ्चारकर्मी लगायतले टिप्पणी तथा मन्तव्य राख्नुभएको थियो ।

कार्यक्रमका विशिष्ट अतिथि राष्ट्रिय मानव अधिकार आयोगका सदस्य माननीय मोहना अन्सारीले अल्पसंख्यक धार्मिक समुदायका मुद्दाहरूलाई न्ययोचित सम्बोधन हुनुपर्छ भन्नुहुँदै शान्ति खोज्न हामी यरूशलेम जाने कि अरब जाने कि गया जाने भनी प्रश्न गर्नुभयो । मिडियाले सकारात्मक भूमिका खेल्नुपर्ने कुराम जोड दिनुहुँदै उहाँले हामीलाई बहुमतवादी होइन तर बहुलवादी समाज बन्नु अवश्यक छ भन्नुभयो । उहाँले अल्पसंख्यक तथा उत्पीडित समूह समुदायहरूको एक साझा मञ्च बनाई अगि बढे सम्बोधनको सम्भावना बढी हुने सुझाव समेत दिनुभयो ।

त्यसैगरी मानव अधिकारकर्मी डा. के बी रोकायाले हाम्रो पहिचान राष्ट्रवाद र नैतिकतामा अड्ने हुनाले नेपालमा फेरि हिन्दू अधिराज्य र राजतन्त्रतको अवश्यकता रहेको छ भन्दै आफूले विवादास्पद कुरा बोलेकोजस्तो सुनिएता पनि भविष्यमा यस्तो कुरा हुन आउने बताउनुभयो ।

वरिष्ठ पत्रकार भवानी बरालले मिडियाले जनमत निर्माण गर्ने हुनाले जिम्मेवार बनी सत्यतथ्य समाचार सम्प्रेषण गर्नुपर्ने कुरामा जोड दिनुभयो ।

डा. महेन्द्र भट्टराइले अल्पसंख्यक धार्मिक समुदायका चासो र समस्याहरू प्रस्तुत गर्नुहुँदै विश्वका असल उदाहरण र अभ्यास मात्रै देखासिकी गर्नुपर्छ भन्नुभयो ।

विभेद तथा उत्पीडनको समस्या पहिचान र समाधानको लागि सरोकारवालाहरूसँग पैरवी गर्ने अनि अल्पसंख्यक, सीमान्तकृत तथा उत्पीडित, उपेक्षित वर्ग तथा धार्मिक समुदायको आवाजलाई मुखरित गर्ने लक्ष्यसाथ अयोजित यस अन्तरक्रियाको निष्कर्ष स्वरूप जारी गरिएको प्रतिबद्धताको सरांशः

धर्म तथा आस्थाको स्वतन्त्रतालाई एक विश्वव्यापी, नैसर्गिक तथा सम्झैताविहीन अधिकारको रूपमा संरक्षण तथा प्रबर्धन गर्ने ।

हिंसा, उत्पीडन, विभेद, सीमान्तकरण, तथा मानव अधिकारमाथि अन्य कुनै पनि प्रकारका उल्लंघनको सिकार बनेका व्यक्ति तथा समुदायहरूको पक्षमा र साथमा पैरवी गर्ने तथा पीडक पक्षलाई जवाफदेही तुल्याउन कार्य गर्ने…