साहसी स्वयंसेविका

In E-paper, विविध
September 8, 2019
Bidur Adhikari

स्वास्थ्य स्वयंसेविका कलुदेवी खड्का उमेरले आफैं अरूबाट स्याहारिनुपर्ने अवस्थामा पुगिसकिन्। तर, अझै उनलाई गाउँठाउँको सेवा गरेरै फुर्सद छैन।

डडेल्धुरा जिल्लाको उत्तर–पश्चिममा पर्ने अजयमेरु गाउँपालिका–६ स्थित गालगाउँ सदमुकामबाट दुई घन्टाको पैदल दुरी र बैतडीको मेलैलीको सिमानामा पर्छ। त्यही गाउँकी महिला स्वास्थ्य स्वयंसेविका हुन्, कलुदेवी। २३ वर्षदेखि यो गाउँमा कोही बिरामी पर्दा सल्लाह लिइने पहिलो व्यक्ति उनै हुन्।

गाउँको चेतनास्तरको हिसाबले अझै बालबालिकालाई भिटामिन ‘ए’ खुवाउनसमेत सकस पर्छ। त्यो समाजमा स्वास्थ्य स्वयंसेविका भएर काम गर्दाका दुःख अनगिन्ती छन्। शिक्षाका हिसाबले आफ्नो नाममात्र लेख्न सक्ने उनी अनुभवकै आधारमा स्वस्थ समाजका लागि सहयोगीको भूमिका निर्वाह गरिरहेकी छिन्।

सन्तान छैनन् उनका। घरमा वृद्ध श्रीमान् छन्। उनीभन्दा पहिलेकीबाट दुई छोरा छन्। उनीहरू तराई बस्छन्। काम परे आउँछन्। तर, उनी भने पूरै गाउँकी हजुरआमा हुन्। सबैले उनलाई माया गर्छन्।

उनी गर्वसाथ भन्छिन्, ‘यी गाउँका सबै केटाकेटी मेरा नातिनातिना हुन्।’ उनलाई पोलियो थोपा खुवाउँदा वा भिटामिन ‘ए’ खुवाउँदा आफ्नै सन्तानलाई खुवाइरहेको महसुस हुन्छ।

थप यहाँ पढ्नुहोस्ः

https://nepallive.com/story/138631#.XXCkT6kFsuY.twitter

तपाईंको प्रतिकृया