August 04, Sunday, Kathmandu

साउन १९, आइतवार, काठमाडौं ।

साम्प्रदायिक सदभाव, धार्मिक सहिष्णुता तथा सहअस्तित्वको लक्ष्य लिई दुई वर्षअगि सम्बन्धित संघसंस्थाहरूको सहकार्यमा विभन्न चरणमा बैठक, केही कार्यक्रम तथा प्रयोगहरू गर्दे आएको अन्तरधार्मिक शान्ति महासंघ नेपाल (Interfaith Peace Federation Nepal) को कार्यकारी तथा कार्यदलको संयुक्त बैठक नेपाल मुश्लिम महिला कल्याण समाजको बागबजार स्थित कार्यालयमा सम्पन्न भएको छ ।

महासंघका संस्थापक अध्यक्ष किराँत धर्मगुरू रामभक्त कुरूङबाङको अध्यक्षता र स्वागत मन्तव्यसाथ सुरू भएको उक्त बैठकले संस्था दर्ता भएको परिप्रेक्ष्यमा विगतको बैठकयताका उपलब्धिहरूको समीक्षा गर्दे सम्पूर्ण टिमलाई बधाइ तथा धन्यवाद दिँदै, आगामी केही महिनाभित्र गरिसक्ने कार्यक्रम तथा गतिविधिहरूको सूची निर्धारण गरेपछि अन्य इच्छुक संघसंस्था तथा अभियानहरूलाई सदस्यताका लागि मार्ग प्रशस्त गर्ने निर्णय पनि गर्यो ।

साथै भाद्र दोस्रो हप्तातिर पहिलो वार्षिक साधारण सभा गर्नका लागि अध्यक्ष कुरूङवाङ, कार्यकारिणी समिति सदस्य बाल कृष्ण महर्जन तथा कार्यदल सदस्य विदुर अधिकारीसहितको अयोजक समिति पनि गठन भएको छ । हाल ७ जिल्लाका १० भन्दा बढी संघसंस्थाहरू संस्थापक सदस्य संस्थाका रूपमा रही स्थापना भएको यस महासंघले निकट भविष्यमै सातै प्रदेशमा आस्था, लिंग तथा प्रादेशिक समावेशीताका आधारमा सञ्जाल विस्तार गर्दैलैजाने योजना रहेको कुरा अध्यक्ष कुरूङवाङले बताउनुभएको छ ।

हिन्दू, बुद्धिष्ट, मुश्लिम, इसाई, बहाई, किराँत आदि धर्मका धर्म गुरूहरू एकसाथ आई सहकार्यको यो एक अनुपम तर अनुकरणीय उदाहरण भएको छ ।