पत्रकार रवीश कुमारलाई रामोन म्यागासेसे पुरस्कार

अगस्ट २,

मनिला, फिलिपिन्स

वरिष्ठ भारतीय पत्रकार रवीश कुमारले २०१९ को रामोन म्यागासेसे पुरस्कार प्राप्त गरेका छन् ।

न्यु देल्ही टेलिभिजनमा विगत २३ वर्षदेखि प्राइम टाइम प्रस्तुत गर्दै आएका रवीश कुमार सान्दर्भिक प्रश्न सोध्ने, फिल्डमा जाने, जनताका आम सरोकारका विषयलाई प्रभावकारी रूपमा उठान गर्ने, आफ्ना गेस्टहरूलाई बोल्ने अवसर दिई भद्रतापूर्वक तर कठोर रूपमा प्रश्न गर्ने पत्रकारका रूपमा चिनिन्छन् ।

एसियाली नोबेल प्राइज मानिने म्यगासेसे पुस्कार प्रत्येक वर्ष ५ जना विशिष्ट व्यक्तिहरूलाई प्रदान गरिँदै अाइएको छ ।

पत्रकार रवीस कुमारले एसियामा साहसिक तथा परिवर्तनकारी नेतृत्व निभाएको उल्लेख गर्दै उनले उक्त पुरस्कार प्रदान गरिएको हो ।

रामोन म्यागसेसे पुरस्कार फाउन्डेसनका अनुसार रवीश कुमारले पत्रकारिताको माध्यमबाट आवाजविहीनहरुको आवाजलाई मुलधारमा ल्याउने प्रयत्न गरेका छन् । जसका कारण उनलाई उक्त पुरस्कार प्रदान गरिन लागिएको हो ।

पत्रकारिता चाटुकारिता, ट्रोल र फेक न्यजुज बनिरहेको प्रतिकूल परिवेशमा पनि उच्च पेशागत दक्षतासहित अख्तियारवालाहरूलाई जबाफदेही बनाउन अनवरत रूपमा लागिपरेको उनलाई “तपाईं जनताको आवाज बन्नुभएको छ, तपाईं एक पत्रकार हुनुहुन्छ” भनिएको छ ।

यस पटकका ६ जना अवार्ड विजेतामा भारतकै फुङचसक वाङचुक फुङसुक वाङचुक र भरत वटवाणी पनि रहेका छन्। भारतको उत्तरी दुर्गम भेग लद्दाखमा वैज्ञानिक शिक्षा फैलाए वापत वाङचुकलाई यो अवार्ड दिन लागिएको हो, जसको जीवनकथामा आधारित भएर ‘थ्रि इडियट्स’ नामक फिल्म बनेको थियो । वटवाणीलाई मानसिक रूपमा पीडित असहायहरुलाई सहयोग र उपचार गराउन उनले गरेको साहस र समाजबाट उपेक्षित व्यक्तिहरुको गरिमा कायम राख्ने कार्यमा उनको समर्पणका लागि अवार्ड दिइएको छ ।

अन्य विजेतामा युक चाङ (कम्बोडिया), मारिया डी लोर्ड्स मार्टिन्स क्रूज (पूर्वी टिमोर), होवर्ड डी (फिलिपिन्स) र विटी होआङ येन रोम (भियतनाम) रहेका छन् ।

अवार्ड फाउन्डेसनले अध्यक्ष कारमेनसिता एबेलाले यी विजेताहरु एसियाको आशाका नायकहरु भएको र जसले आफ्नो प्रयासबाट समाजलाई अग्रदिशामा बढाएको बताएका छन् ।

फिलिपिन्सका तेस्रो राष्ट्रपति रोमन म्यागासेसेको सम्झनामा अवार्ड सन् १९५७ मा स्थापना गरिएको हो । यस वर्षको अवार्ड ३१ अगस्टमा फिलिपिन्सको सांस्कृतिक केन्द्रमा आयोजना हुने समारोहमा दिइने खबर छ ।

तपाईंको प्रतिकृया