लण्डन, जुलाइ २३ ।

बृटेनका नयाँ प्रधानमन्त्रीका रूपमा कन्जर्भेटिव पार्टीको तर्फबाट विजयी भएका बोरिस जोन्सन लण्डनका पूर्वमेयर हुन् जो सन् २००८ देखि २०१६ सम्म मेयरका रूपमा रहेका थिए भने  त्यसपछि केही समय बृटेनका विदेश सचिवका रूपमा पनि काम गरेका थिए । त्यसभन्दा पहिले २००१ देखि संसद सदस्यका रूपमा राजनीतिक अनुभव संगालेका थिए । पहिले विभिन्न पत्रपत्रिकामा काम गर्दै अाएका उनी बृटेनका सम्राट जर्जका द्वितीयका वंशका हुन् ।

बृटेनलाइ युरोपबाट अागामी अक्टोबरसम्ममा जसरी पनि बाहिर निकाल्ने प्रतिबद्धता जनाउँदै  आफ्नो पकड बलियो गरेका जोन्सन्को तुलना अमेरिकी राष्ट्रपति ट्रम्पसँग गरिन्छ, भने ट्रम्प आफैले पनि  आफू बृटेनमा लोकप्रिय रहेको र जोन्सनलाइ बृटिश ट्रम्प मानिएको भन्दै हिजो मात्र प्रशंसा गरेका थिए ।

दोस्रो विश्वयुद्धपछि कुनै पनि बृटिश प्रधानमन्त्रीले सामना गर्नुपरेको सबैभन्दा ठूलो राजनीतिक प्रश्न वा समस्या बृटेन युरोपियन युनियनमा रहने कि नरहने भन्ने प्रश्नको सामना गर्ने क्रममा उनीभन्दा अगिका दुइ जना प्रधान मन्त्रीहरू असफल भइ पदमुक्त भइसकेका छन्ः डेविड क्यामरू र थेरेसा मे ।

“तपाइँहरूको निर्णयको बुद्धिमतामाथि प्रश्न गर्ने मानिसहरू हुनेछन् भन्ने मलाइ थाहा छ । तर हामी यो देशलाइ जागृत तुल्याउनेछाैँ, अक्टोबर ३१ सम्ममा ब्रेग्जिट पूरा गर्नेछाैँ, अनि हामी सक्छाैँ भन्ने आत्मबलमा यसले ल्याउने सबै अवसरहरूको सदुपयोग गर्नेछाैँ ।” भिडले खचाखच हलमा उपस्थित सांसद, शुभेच्छुक तथा नेताहरूलाइ सम्बोधन गर्दै जोन्सनले कसैले भनेजस्तो  आफूमा र आफ्नो दलमा डर छाएको छैन, के हामी डराएका मानिसहरूजस्ता देखिन्छाैँ त भनी रमाइलो समेत गर्न भ्याएका थिए ।