नयाँ युगको नयाँ जित!! सङ्घिय गणतन्त्र नेपाल – लक्ष्मीप्रसाद कोइराला

कविता

गाउँ शहरबाट
बुलन्द आवाज उठेपछि

देशै धपक्क बलेथ्यो।
कीर्तिपुरमा सुतिसकेका
ती ज्यापू बन्धुहरु
जुरूक्क उठेथे।
आधीबेहरीका वाहकशक्ति
तुफान बनेर आएथे।
तराई-मधेश तातेर
सूर्यको तापलाई
छुन खोजेथ्यो।

बिक्री भएको
कोशीकालीपनि
फोहर डङ्गुर बगाउन
बाडी बनेर उर्लेथ्यो।
त्यसपछि छतछतबाट
जगका जग घोप्टिन्थ्यो।
अनि गाडी गुड्ने
सबै सडकमा
म मान्छे
हामी मान्छेहरु
घुइँचोसँग गुडेथ्यौँ।
अनि मर्ने र मार्ने
कोटा बनेको बेलामा
बाह्रबुँदे हस्ताक्षर भयो।

अनि उल्ट्यो युग!
युगको आवाज बोकेर
अनि भयो,
नयाँ युगको नयाँ जित!!
सङ्घिय गणतन्त्र नेपाल।

********धन्यवाद********