पैरवीका लागि सञ्चार सेमिनार सम्पन्न (Media For Advocacy Seminar)

जेष्ठ २, बिहीवार

Thursday/ May 16, 2019

ललितपुरको तिखेदेल स्थित मिडिया कार्यालयमा पैरवीका लागि सञ्चार सेमिनार सम्पन्न भएको छ । सञ्चार पैरवी मञ्च नेपालको आयोजनामा भएको उक्त सेमिनारमा विभिन्न मत र क्षेत्रका अग्रज व्यक्तित्वहरूले तत् क्षेत्रका बारेमा, पैरवीका लागि सञ्चारलाइ कसरी प्रयोग गर्ने भन्ने बारेमा बोलनुभएको थियो ।

त्यसैगरी, द डिप्लोम्याट र स्टोरिज एसियाका सम्पादक र सम्वाददाता विशाल अरोराले पैरवीका लागि पाठक दर्शकको मन जित्नुपर्छ, मन बद्लनु पर्छ । यसका लागि अपराध वा खराबी गर्ने पात्रलाइ नभएर पीडित पत्रलाइ नायकका रूपमा कसरी प्रस्तुत गर्ने भनी कथा प्रस्तुतिका शैली र सूत्रहरू स्पष्ट पार्नुभएको थियो ।

समता, पारदर्शिता, अधिकार र कर्तव्य अनि विकासका लागि सञ्चारलाइ पैरवीको सशक्त माध्यमका रूपमा विकास गर्न अनि सञ्चारकर्मीहरूको हक हित व्यावसायिकतामा सहायता गर्न मिडिया एड्भोकेसी फोरमको नेपालको अवधारणा अगि सारिएको हो ।

पैरवी, अधिकार र विकासका लागि सञ्चार परिकल्पना वा भिजन लिएको माफले आगामी दिनमा सञ्चारकर्मीहरूको क्षमता अभिवृद्धि, एक्सपोजर भिजिट, तथा कथा लेखन र प्रस्तुतिका बारेमा थप कार्यक्रम ल्याउने लक्ष्य राखेको बताइएको छ ।