आस्थामाथिको आक्रमणः मानव अधिकारमाथिको अतिक्रमण

अगिल्लो हप्ता, वैशाख १० गते मंगलवार बिहान दाङ जिल्लाको घोराही स्थित डोको हाेटेलबाट धर्म प्रचारको अभियोगमा घोराही प्रशासनले पाँच जनालाई नियन्त्रणमा लिएको हप्ता दिन बित्न लागेको छ । तीमध्ये एक अमेरिकी नागरिकलाई सोही साँझ रिहा गरिएको र अर्का नेपाली नागरिक सवारी चालक स्वयं हिन्दू धर्मावलम्बी भएको कारण, र चालकका रूपमा मात्र सहायतामा संलग्न रहेको कारण उनलाइ पनि रिहाइ गरिएको थियो भने, बाँीक २ नेपाली र १ भारतीय नागरिकमाथि धर्म प्रचार र जबर्जस्ती र लोभलाच देखाई जस्ता अभियोग लगाई एस पी बेल ब. पाण्डेले पछिबाट मात्र अदालतबाट म्याद लिई र थप्दै हिरासतमा राखेको छ दिन भइसकेको छ ।

यस घटनाले सबैतिर गम्भीर ध्यानाकर्षण गरेको छ । एकातर्फ वास्तवमै अपराधी र दूराचारीहरू दिनदहाडै अपराध गर्दै हिँडेका छन् भने, अर्कोतर्फ अाफ्नो निर्धारित कार्यक्रममा सभहाभी भएर फर्कने क्रममा रहेका मानिसहरूमाथि त्यसरी अपराधी शैलीमा धरपकड गरिएको छ । निज एस पि पाण्डेले बारम्बार बदनियत राहेर इसाइहरूलाई दुःख दिएको कुरा जग जाहेर भएको छ ।

तिन दिनपछि मात्र मानव अधिकारकर्मी तथा पत्रकारहरूका साथ गएका अाफन्त तथा संस्थाका प्रतिनिधहरूसँग भेट गर्न दिइएका तीनजनालाइ निजहरूको स्वास्थको सामान्य अावश्यकतासमेत अनदेखा गरि राखिएको, अनुपयुक्त स्थानमा राखिएको, उनीहरूले सेवन गर्दै आएको औषधी सेवन गर्न नपाएको र भेटेर अवस्था बुझ्‍न नदिएको गुनासो आएपछि नेपालगंजबाट शुक्रवारका दिन राष्ट्रिय मानव अधिकार आयोग, तराई मानव अधिकार संरक्षक सञ्‍जाल थर्ड एलायन्स र पत्रकारहरुको संयुक्त टोली घोराहीमा पुगेर प्रहरी उपरिक्षक र प्रहरीको नियन्त्रणमा रहेका तीनजनासँग छुट्टाछुट्टै भेट गरी जानकारी लिएको खबर अाएको छ।

धर्म प्रचारको अभियोगमा पक्राउ परेकाहरूले कसैलाई पनि धर्म प्रचार गरेका थिएनन्। घोराहीमा प्रेरितिय चर्चमा पास्टर अगुवाहरूको सम्मेलन भइरहेको थियो। १० गते विहान कार्यक्रममा जानलाई तयार भएका ५ जनालाई धर्म प्रचारको आरोप लगाई घोराही सुरक्षाकर्मीहरूले पक्राउ गरेका थिए। श्रोतका अनुसार कसैलाई धर्म प्रचार गरिएको छैन, पैसा र बाइबल पनि बाँडिएको छैन। पीडित पक्ष र अन्य साक्षीहरूका अनुसार कसैलाई पनि धर्म प्रचार, पैसा बाँड्ने र बाइबल बाँड्ने काम भएको छन्। झुटो आरोप लगाएर पक्राउ गरिएको कुरा बाहिरिएको छ।

राषष्ट्रय मानव अधिकार अायोगदेखि गृह मन्त्रालयदेखि प्रान्तीय संसदहरूले समेत यो कुरा बुझी, त्यसैअनुसार निजलाइ सचेत तुल्याएको अवस्था छ । एसपि पाण्डेजस्ता निडर र अाफ्नो क्षेत्रमा कसैको दबावमा नपर्ने कर्मचारी चाहिन्छन् । तर उनले जुन कुरा मुद्दा वा विवाद नै थिएन त्यसलाई मुद्दा बनाएका छन्, गल्ती त्यो भयो । मात्रै चार प्रकारका मुद्दामा उनले अपराधीहरूलाई पछ्याए हामी उनको पूर्ण समर्थन गर्छाैँः १) हत्यारा, २) अपहरणकारी, ३) बलात्कारी, र ४) लठैतवाज, हप्तावाज, गुण्डागर्दी अादि ।

अाज अाइतवार जिल्ला अदालतमा पेशी रहेको थाहा हुन अाएको छ । अाशा छ, सम्मानित अदालतले सही सत्य केलाएर न्याय दिनेछ ।

अन्त्यमा, अास्थामाथिको अाक्रमणः मानव अधिकारमाथिको अतिक्रमण भन्ने बुझी प्रहरी प्रशासन जस्ता बुझी सरकारी निकायले जहाँ वास्तविक अपराध र समस्या छ, त्यतातर्फ अाफ्नो समय र शक्ति लगाउनु उचित हुन्छ भन्ने सुझाव दिन चाहन्छाैँ ।

तपाईंको प्रतिकृया