दाङमा पक्राउ परेकाहरूलाई तुरून्त रिहा गर्न मागः प्रेस विज्ञप्ती: नेपाल ख्रीष्टयन समाज

बैशाख ११, ललितपुर

दाङमा पक्राउ परेकाहरूलाई तुरून्त रिहा गर्न माग गर्दै नेपाल ख्रीष्टयन समाजद्वारा प्रेस विज्ञप्ती जारी भएको छ ।

अाज बिहान पाटन क्वाइनोनिया चर्चमा अायोजित प्रार्थना सभामा उक्त विज्ञप्ती पाठ गरी उपलब्ध गराइएको थियो ।

पढ्नुहोस्, पूर्ण पाठ ।

मिति बैशाख ११, २०७६

प्रेस विज्ञप्ती

महासचिव पौडेललगायत गिरफ्तार गरिएका सबैलाई बिनाशर्त रिहाइ गरियोस् ।

विषयमा

विगत केही महिनादेखि देशभरि नै अल्पसंख्यक धार्मिक समुदाय, खासगरी नेपाली ख्रीष्टियन समुदायविरुद्ध सुनियोजित ढंगले विभिन्न पक्षबाट आक्रामक गतिविधिहरू भैरहेको र सोप्रति राज्य बेखबर बसिरहेको कुरामा ध्यानाकर्णण गराउँदै हिजो मिति बैशाख १० गते मंगलबार बिहान७ बजे दाङ जिल्लाको घोराहीबजारमा रहेको डोको होटेलमा बसेका यस समाजका महासचिव डिल्लीराम पौडेललगायत गौरव श्रीवास्तव (भारतीय नागरिक), लिएन्ना सिन्क्वान्टा (अमेरिकी नागरिक), कुन्साङ तामाङ र सवारी चालक प्रमोद काफ्लेसमेत ५ जनालाई दाङ जिल्लाप्रहरी कार्यालयका एस.पी. बेलबहादुर पाण्डे स्वयम्को पहलमा पूर्वाग्रही ढंगले पक्राउ गर्नुपर्ने उचित कारण नजनाई (पक्राउपुर्जा नदिई) गैरन्यायिक थुनामालिई अनावश्यक दुःखदिँदै व्यक्तिको धर्म तथा आस्थाको स्वतन्त्रतामाथि सोझो हस्तक्षेप गरेको घटनाले हामीलाई मर्माहत तुल्याएको छ । यस घटनाले अल्पसंख्यक धर्मावलम्बीका रूपमा रहेका हामी ख्रीष्टियनहरू समक्ष अत्यन्तै गम्भीर परिस्थिति सिर्जना भएको हुँदा सरोकारवाला सबै व्यक्ति, समुह तथा संस्थासमक्षनिम्न कुराहरूमाध्यानाकर्षण गराउन चाहन्छौँः

१. स्थानीय ख्रीष्टियन अगुवाहरूद्वारा आयोजित एक धार्मिक कार्यक्रममा सहभागी हुनपुग्नुभएका यस समाज (संस्था)का महासचिव डिल्लीराम पौडेललगायतले आफूसँग बोक्नुभएको बाइबलतथा ख्रीष्टियन धर्मसँग सम्बन्धित पाठ्य सामग्रीहरूलाई “धर्मप्रचारका लागिप्रयोग गर्न” बोकिएको भनी प्रमाणका रूपमा प्रश्तुतगर्दै सुरक्षाकर्मीजस्तो जिम्मेवारीमा रहेका एस.पी. पाण्डे र मातहतका प्रहरीले पूर्वाग्रही व्यवहार गरेको हुनाले निजहरूमाथि विभागीय कार्वाही गरी पक्राउ गरिएका सबैलाई बिनाशर्त रिहा गरियोस् ।

२. नेपाल कानून, सञ्चारमाध्यम तथा प्रशासनिक क्षेत्रबाट नेपाली ख्र्रीष्टियनहरूका सामान्य धार्मिक गतिविधिलाई अपराधीकरण गर्ने प्रयत्नस्वरूप गरिएका दुस्प्रचार एवं दूव्र्यवहारहरू तत्कालबन्द गरी व्यक्तिले आफ्नो इच्छाअनुसार कुनै पनि धर्मको चयन, अवलम्बन तथा अभ्यास गर्न पाउने मौलिक अधिकारको सम्मानगर्दै नेपाल पक्षराष्ट्र भई अनुमोदन गरेका मानव अधिकारको विश्वव्यापी घोषणापत्र तथा नागरिक तथा राजनीतिक अधिकारसम्बन्धी प्रतिज्ञापत्रजस्ता अन्तरराष्ट्रिय दस्ताबेजहरूको आशय विरुद्ध हुने यस्ता क्रियाकलाप तत्कालबन्द गरी अन्तरराष्ट्रिय जगतमा नेपाल देशको उच्च गरीमा कायम राख्नका लागि संविधान र फौजदारी कानूनमा निम्नानुसार शंसोधन गरियोस्ः

क. मानव अधिकारसम्बन्धी विश्वव्यापी घोषणापत्र तथा नागरिक तथा राजनीतिक अधिकारसम्बन्धी अन्तरराष्ट्रिय प्रतिज्ञापत्र र नेपाल संधी ऐन २०४७ को मर्म र सामान्य अर्थसँग मिल्नेगरी संविधानको धारा २६ को १ सँग सम्बन्धित रही हरेक व्यक्तिले कुनै पनिविश्वास वा धर्म छान्न, मान्न, नमान्न वा परिवर्तन गर्न, प्रचार–प्रसार गर्न, शिक्षा–दीक्षा लिन वा दिन पाउने व्यक्तिको स्वतन्त्र अधिकार सुनिश्चित गर्दै धर्म तथा आस्थाको स्वतन्त्रताको सम्मान हुनेगरी धारा २६ को उपधारा ३ संशोधन गरियोस् ।

ख. मुलुकी अपराध ऐन, २०७४ (फौजदारी अपराध संहिता) को दफा २, सो ऐनको बहिक्र्षेत्रीरय प्रयोग अन्तरगतउपदफा ३(छ) मा दफा १५६ को “धर्म परिवर्तनसम्बन्धी कसूर”लाई जघन्य अपराधकै रूपमा राखिएको हुँदा सो उपदफा हटाइयोस् ।

ग. सोही कानूनको दफा १५६ ले मुलुकमा शदियौंदेखि धार्मिक सहिष्णुतामा रही एक–आपसमा मिलेर बाँचिरहेका धार्मिक समुदायबीच कटुता बढाई धार्मिक युद्धसम्म चर्काउनसक्ने सम्भावना भएकोले सो धारा हटाइयोस् ।

घ. सोही ऐनको धारा १५७ र १५८, नेपालले पक्ष राष्ट्र भई हस्ताक्षर गरेको अन्तर्राष्ट्रिय सन्धी–सम्झौता तथाधार्मिक स्वतन्त्रताको मर्म विपरीत भएकाले यसलाई पनि ऐनबाट हटाइयोस् ।

ङ. सोही ऐनको दफा १५९ मा व्यवस्था गरिएको हदम्यादमा थाहापाएको मितिले छ महिनासम्म उजुर गर्न सकिने भनी अव्यवहारिक व्यवस्था गरिएकोले सो दफा हटाइयोस् ।

३. सबै धार्मिक समुदायहरूलाई समानरूपमा आ–आफ्नो स्वतन्त्र अस्तित्वमा रही आफ्नो चलअचल सम्पत्ति संरक्षण तथा धार्मिक कार्यहरू सञ्चालनका लागि आवश्यक नीति–नियम बनाई दर्ता गर्ने व्यवस्था मिलाइयोस् ।

४. संस्था दर्ता ऐन २०३४ अन्तरगत दर्ता भई देशका विभिन्न क्षेत्रमा काम गरिरहेका धार्मिक संस्थाहरूलाई सरल तथा निर्बाधरूपमा उनीहरूका धार्मिक क्रियाकलापहरू गर्न पाउने स्वतन्त्रताको ग्यारेण्टी गर्न आवश्यक नीति निर्माण तथा नियमन गरियोस् ।

५. सबै धार्मिक समुदायको आ–आफ्नो रीतिअनुसार मृतक आफन्तहरूको सम्मानजनक अन्त्येष्ठी गर्नका लागि मसानघाट तथा चिहानको लागि हरेक स्थानीय तहका वडा वा पायकपर्ने ठाउँहरूमा यथाशीघ्र व्यस्थापन गरिदिन आवश्यक कार्वाही गरियोस् ।

६.नेपालका मुख्य धार्मिक समुदायले आ–आफ्ना चाड–पर्वहरूमा सार्वजनिक विदा पाएजस्तै अन्य अल्पसंख्यक धार्मिक समुदायहरू विशेषगरी ख्रीष्टियनहरूलाई पनि ख्रीष्टमस तथा इस्टरमा सार्वजनिक बिदाको व्यवस्था गरियोस् ।

श्री कृष्णबहादुर श्रेष्ठ

केन्द्रियअध्यक्ष