पाकिस्तानले पहिलो पटक यहूदी नगरिकलाइ इजराएलको भ्रमण गर्न अनुमति दियो !

इस्लामिक गणतन्त्र पाकिस्तानले पहिलो पटक अाफ्ना यहूदी नगरिकलाइ इजराएलको भ्रमण गर्न अनुमति दिएको खबरले यतिखेर इजराएल र यहूदीहरूमा मात्र नभएर यहूदीहरूप्रति सहानुभूति राख्ने तथा मानव अधिकारकर्मीहरू सबैमा खुशीको तरंग ल्याएको छ ।

सन् १९४८ मा, बृटिश अधिनस्थ भारतबाट गणतन्त्र भारत र इस्लामिक गणतन्त्र पाकिस्तानका रूपमा अस्तसत्वमा अाएको उक्त राष्ट्रमा त्यो बेला कराँचीमा मात्रै करिब १,००० को संख्यामा यहूदीहरू रहेको थिए भने, पछि गएर जनगणनामा यहूदी धर्म मत मान्ने नगरिकको गिन्ती नै नगरिएपछि, उनीहरूले पासपोर्ट प्राप्त गर्ने अवस्था रहेको थिएन । पटक पटकमा लामो समयसम्म सैन्य शासनमुनि थिचिएको पाकिस्तानमा जुल्फीकर अलि भुट्टोलाइ उनकै सेनापति ज्यउल हक मृत्युदण्ड दिएपछि, प्रोइस्लामिक, एन्टाइ भारत र एन्टाइ यहूदी सेन्टिमत बढेको थियो ।

अनि दशकाैँसम्म यहूदी नगरिकलाइ कुनै मान्यता वा इजराएल भ्रमणको अनुमति थिएन ।

तर तीन महिना अगि मात्र इश्लामाबादमा पहिलो पटक इजराएली प्लेन अवतरण गरेपछि, इमरान खानको सरकारले गैरमुश्लिम विश्वसँगको सम्बन्धमा सुधार ल्याउने प्रयत्न गर्नेछ भन्ने धेरैको अाशाअनुरूप नै घटनाक्रम विकास हुँदै अाएका छन् । केही महिना अगि अदालतबाट सफाइ पाएकी अाशिया बिबीको केसका सन्दर्भमा पनि खान सरकारले लचिलो तर सख्त अडान राखेको कारण बिबीको र उनको परिवारको सुरक्षा सम्भव भएको थियो ।

यसरी पहिलो पटक इजराएल जान राहदानी पाउने पाकिस्तानी यहूदी हुन् ३१ वर्षका फिशल खालिद । उनका बाबु मुश्लिम हुन् भन अामाचाहिँ यहूदी । उनका चार जना दाजुभाइले बुबाको धर्म इश्लाम अपनाएका छन् भने फिशललेचाहिँ हुर्केपछि यहूदी मत अपनाएका थिए ।

गत वर्ष एक इजराएली प्लेन गोप्य रूपमा पाकिस्तानी राजधानीमा अवतरण गरेको खबर पाएछि, फैशलको अाशा पलाएको थियो र उनले एपमार्फत अनलाइन फर्म भरी विदेश मन्त्रालयसमक्ष निवेदन दिएका थिए । अनि गत जनवरी २ मा उक्त मन्त्रालयबाट उनलाइ विदेश भ्रमणको अनुमति मिलेको फोन अाएको थियो । अनि गत बुधवार मात्रै उनले एक ट्विटमार्फत यो जानकारी सार्वजनिक गरेका थिएः “Dear @ImranKhanPTI on Jan 2 Ministry of Foreign Affairs called to informing that I can visit Jerusalem, Israel on Pakistani passport. I’m applying visa from Israeli embassy. Thank u Dr Faisal.”

यसरी फिशलले अाफ्नो ट्विटमा प्रधान मन्त्री खान, परराष्ट्र मन्त्रालयका प्रवक्ता डा. फैसल, लगायत अन्य केही महत्वपूर्ण व्यक्तिहरूलाइ समेत ट्याग गरेकोबाट के स्पष्ट हुन्छ भने, यसो गर्न उनलाइ सरकारले नै छुट र प्रेरणा दिएको हो । तर इश्लामिक अतिवादिहरूबाट कडा अालोचना होला र जनमत गुम्ला भन्ने डरले सरकारले यसाबारे केही थाा नपाएको अभिनय गरिरहेको छ, यद्यपि व्यवहारबाट काम भने कानुनी शासन र यहूदी मतलाइ सुरक्षाको दिइरहेको छ, जुन धेरै सकारात्मक कदम हो ।

तर अझै पनि कतिपय उलझन कायमै छन्, जस्तै कि पाकिस्तानी पासपोर्टमा विश्वका सबै देश भ्रमण गर्न छुट छ, तर इस्राएलको भ्रमण नगर्नु भन्ने उल्लखे गरिएको हुन्छ । हुन त फिशलले प्यालेस्टाइन पुगेर, त्यहाँबाट यरूशलेम प्रवेश गर्न सक्छन्, अनि उनलाइ यसका लागि इजाराएलबाट सक्दो सहयोग रहनेछ भन्ने निश्चयता दिइसकिएको छ ।

फिशलको ममला खान सरकारले एक यहूदी नागरिकको अधिकार विस्तार गरेको मात्रै हो, वा इजराएलसँगो सम्बन्धमा फड्को मार्ने कदम सुरू गरेको हो ? अहिल्यै भन्न सिकने अवस्था छैन, तर संकेत निश्चय नै सकारात्मक छन् ।

तपाईंको प्रतिकृया