भेनेजुएला संकट, ध्रुविकृत विश्व, नेकपाको हतारो तर बासी वक्तव्य

नेकपाको प्रेस स्टेटमेन्ट

दोस्रो पटक राष्ट्रपतिका रूपमा निर्वाचित बनेका निकोलस माडुरोको वैधानिकतामाथि प्रश्न चिन्ह सृजना गर्दै विपक्षी नेता हुवाँ गाइडोले अाफूलाइ अन्तरिम राष्ट्रपतिका रूपमा घोषणा गरेपछि पहिल्यै राजनीतिक अार्थिक संकटमा फसेको दक्षिण अमेरिकी राष्ट्र भेनेजुएलामा थप सम्वैधानिक संकट छाएको छ । यहाँसम्म कि कुनै पनि साइनो न सम्बन्ध रहेको नेपाल कम्युनिष्ट पार्टीले समेत अंग्रेजीमा प्रेस स्टेटमेन्ट जारी गर्दै भेनेजुएलाको बारेमा प्वाक्क बोल्नपुगेको छ ।

भेनेजुएलाको पछिल्लो राजनीतिक घटना परिस्थितिप्रति नेपाल कम्युनिष्ट पार्टीले चासो र चिन्ता प्रकट गर्दै विज्ञप्ती जारी गरेको छ । अंग्रेजीमा जारी उक्त विज्ञप्तीमा अमेरिकको हस्तक्षेप, साम्राज्यवाद, कु र अस्थिरता उत्पन्न गराउने कुचेष्टाको समेत भर्सना गर्न भ्याएको नेकपाले विगत एक दशकदेखि नारकीय बनेको भेनेजुएली नागरिकको पक्षमा भने कुनै चिन्ता फिक्री राखेको पाइँदैन, यद्धपि विवादास्पद रूपमा दोस्रो पटक, प्रतिपक्षविहीन उम्मेदवार बनी निर्वाचनको अाैपचारिकता पूरा गरी अाफूलाइ राष्ट्रपति घोषित गरेका माडुरोको पक्षमा दुइदुइपटक अादरसाथ सम्बोधन र अावाज उठाइएको छ । हुन त कुनै पनि कम्युनिष्ट सत्ताको पक्षमा अाँखा चिम्लेरै समर्थन गर्नु दुनियाँकै कम्युनिष्टहरूको विशेषता नै हो भन्ने थाहा नभएको अवस्था अब । उत्तर कोरियाक भ्रमण गरेर अाएपछि, अधिकांश राजनीतिक विश्लेषक लगायत विश्वप्रसिद्ध नेत्र चिकित्सक सन्दुक रूइतले समेत त्यहा राष्ट्रपतिलाइ इश्वरै बरार मानेर अादर गर्नुपर्ने, डाक्टरले उपचार गरेर निको बनाए पनि राष्ट्रपतिले निको नबाएको भनी उनलाइ नै महिमा दिनुपर्ने बाध्यता रहेका कुरा बाहिर नअाएका पनि होइनन् । तर यसरी हतारोमा यति टाढाबाट समर्थन र अालोचनाको अावाज उचाल्दा भोलि अन्तरराष्ट्रिय मञ्चहरूमा, द्विपक्षीय सहायताका मुद्दामा नेपालको हितचाहिँ घाटामा जानेछ लगभग निश्चित छ ।

उता, भर्खरै मात्रै राष्ट्रिय सभाका अध्यक्षमा समेत निर्वाचित ३५ वर्षिय हुवाँ गाइडोले राजधानी काराकासको एक खुल्ला मञ्चमा एक जनमानसको ठूलै भिडका उपस्थितिमा देशको पहेँलो, नीलो र रातो झण्डाहरूका माझ शपथ ग्रहण गर्दै अाफूलाइ दशको अन्तरिम नेता घोषणा गर्दै अाम निर्वाचन गराउने प्रतिज्ञा समेत गरेका छन् ।

विपक्षी नेत हुवाँ गाइडो शपथ
राष्ट्रपति पदको लिँदै

“भेनेजुएलाका जनताले माडुरो र उनको शासनको विरूद्धमा साहसपूर्वक बोलेका छन् अनि स्वतन्त्रता र विधिको शासनको माग गरेका छन्,” गाइडोले भनेका छन् ।

तत्कालै ब्राजिल, कनाडा, अर्जेन्टिना, कोलम्बिया, अमेरिका लगायत करिब दर्जन युरोपेली देशहरूले गाइडोलाइ अन्तरिम राष्ट्रपतिका रूपमा मान्यता दिँदै वक्तव्य जारि गरेका छन्, जसको प्रतकारमा माडुरोले ७२ घण्टाभित्रमा अमेरिकी दूतावास बन्द गर्न अादेश दिएक छन् भने अमेरिकाबाट अाफ्ना दूत पनि फिर्ता बोलाएका । क्युबा, निकारागुअा बोलिभिया जस्ता बामपन्थी वा समाजवादी झुकाव राख्ने देशहरू अनि , रसिया, टर्की जस्ता पश्चिमी शक्ति विरोधी देशहरूचाहिँ संस्थापन पक्षकै पक्षमा खुलेर समर्थनमा छन् ।

यसैबिचमा, भेनेजुएलाका सैन्य अधिकारीहरूलाइ सम्बोन गर्दै प्रतिपक्षी नेत गाइडोले सेना तटस्थ रहे मात्रै पनि जनमतको कदर हुने, सत्ता परिवर्तन पश्चात सैन्य अधिकारीहरू माथि कुनै कारबाही नगरिने भनी सेनालाइ अाफ्नो पक्षमा तान्ने प्रयास गरेका छन् । तर यसै बिचमा सेनापति लगायत जर्नेलहरूको एक सभाले निर्वाचित राष्ट्रपतिलाइ नै अाफ्ना नेता मान्दै बफादारी जनाएको छ । यद्यपि, कतिपय तल्लो तहका अफिसरहरूका समूहले सेनाका हातहतियार लुटेर विद्रोहीको पक्षमा सहायता गर्ने प्रयत्न सुरू गरेका छन् ।

अमेरिकी राष्ट्रपति, उपराष्ट्रपति, विदेश सचिव तथा सैन्य सल्लाहकार सबैले विपक्षी नेताको पक्षमा खुलेरै समर्थन गरेका छन् भने, अावश्यक पर्दा सबै विकल्प टेबलमा छन् भन्ने अभिव्यक्तिले अमेरिकी सैन्य हस्तक्षेपको सम्भावना बलियो रहेको संकेत गरेको छ । त्यसो भएमा, विपक्षी नेताको हात माथि पर्नजानछ, अन्यथा सेना र सत्ताको बलले सबै परिवर्तन र विद्रोहका प्रयासमाथि क्रुर दमन हुने कुरामा शंका छैन । तर फेरि एक पटक भेनेजुएलाले विश्व परिवेशमा साम्यवादी शासन प्रणालीको सबलता दुर्बलता उदांगो बनाएको चाहिँ छ ।

तपाईंको प्रतिकृया